انا ليا مني نويت القصيده

انـا لـيـا منـي نـويـت الـقـصـيــده = جبت القلم والبوك والقاف لي طاع
واتعب عليها ليـن تـاتـي جـويــده = وتجوزللــي للـــتمـــاثـــيــل سمــاع
وانقى جزيل القاف واكتب مفـيده = وقافاً بلــيا فود فـيه التـعــب ضــاع
ولاتم شـاورت الرجـال الرشــيده = الي لهم بالعــرف مـدخـل ومطــلاع
وان قالـوا النـقاد فيـه النـــقـيــده = علي من يمنــاي لارمــيــه بالــقـاع
مالي ومال النـاقصـه والـزهيــده = وانا قريت وشـفت واعرف الاسناع
وان امدحوه اهل العقول السديده = وقالوا نوقع فيه بالعشر الاصـبــاع
انه جميل وقــول شـاعر رصــيده = واجد مع الشعار يشـــري ويبتـــاع
لاقوم واطلب نشرها بالجـــريــده = واذيـعــها لاجــيت لي عــند مذيــاع
واعيدها لو كان ماهـي جــديـــده = لاجيت مجلــس فيــه راوي وبـــداع
وجزل القصيد يجملك لو تــعـــيده = وعن الجـديد تسد نوبـات الاسمــاع
وكم من يقوم وقال عندي نـشيـده = وليا سمعــها ناقد الـــشعر يــنـــلاع
معنى ضعيف وشاعرا له هبــيده = وتسمع له التصفيق من ناس ضياع
وترى القصيد جهود تبذل جهــيده = لفكرا يمده قلب من جوف الاضلاع
ولايقدر المجـهود نـــاس بلـــيــده = حيث البلاده طبع من شين الاطبـاع
طبع يهضم حقـوق وناقص يزيده = ولايفرقون المــد من كـيلت الصـاع
وياما الواحد لاش قــالوا ولـــيده = لاصار عنده شي من نوع الاطمـاع
لو كان بالمــدات مــالــه مــديــده = اهل الطمع يمشون برضاه خضـاع
والله يعين اهل الفــعــول الحميده = الي بهم لمـــدور العـــون مفـــزاع
وعونه لياانه قال جاتني ضــديـده = ويقفون دونه ضد في كل الاوضاع
وعسى الكريم بجاه محصي عبيده = مايشتكي من قل وهموم واوجــاع
قلته وانا من حرب ذيك البــديــده = الي لهم في عالي المــجد مــيقــاع
ومن هازهم يبغى الطمع مايعيده = لوهو شجيع ليا غزا القوم قطـاع
ولهم سوالف حصرها ما نجــيده = ولا اقول بالي غيرهم حقهم ضــاع

صح لسسسانك

قصيده جزله