قالوا عن مورخ حرب نثرا وشعرا

الاستاذ الباحث والاديب /فايز موسى تربطني به صداقه واعرفه تمام المعرفه
فهومطلع غزير المعرفه وحكيم كريم ومن خيرة رجال حرب متواضع يحب
التفاهم وارشاد السائل بهدوء قلت رايي فيه بهذه الابيات والتي سبق نشرها
وكتابتها هنا :

الرجال النوابغ يصنعون الروائع =المدارك وسيعه والمسالك بديعه
المعرفه تنوع بين شاري وبايع = المراجع تجيبه والعوارف تذيعه
والمعرفه برايي من جميع النوايع = الادب من جميعه والنسب والشريعه
ماضيات العصور ومامضى من وقايع = والتراث المنوع محتواه وجميعه
عند رجل المعرفه عند زاكي الطبايع = عقب بحث وتقصي حافظه مايضيعه
ابو تركي بامانه حافظ للودايع = عند راع الامانه ماتضيع الوديعه
ابن موسى بامانه حمل الحمل طايع =ان بحث مايزور والصراحه ربيعه
يابن حرب القبيله كل ماجبت رائع =يا كثير المواهب موقعك بالطليعه
قلت جزل الكلام وحزت بيض الصنايع = عندي وعند غيري لك مكانه رفيعه
الذهب هو رصيدك من حميع البضابع = رابح من شراه وعادل من يبيعه
بالوفا والحموّه صار لك صيت ذايع = صانع المجد يعرف من وفاه وصنيعه
والعمل من نجح به سد باب الذرايع =مايعارض نجاحه غير ناس وضيعه
كان بعض الاوآدم تقل للهرج جايع = الكلام المعرّى مايسمى ذريعه
ذي شهاده بموجز واعتبرها طلايع = من رصيدي وفكري جبت لمحه سريعه