حفل الشيخ الشريف مشعل سالم العمري تكريما للشيخ محمد بن بركه بن اسماعيل بن مبيريك 0

قصيدة الشاعر :مسعود سالم المعبدي=
ليلة وفا وهلا لها بالفرح هل = يامرحبا باللي لفوا في وعدها
ترحيبة بالطيب تضفي على الكل = ماتحصي الارقام حسبة عددها
معطره بالعود والورد والفل = تنصى الرجال اللي رفيع عمدها
اللي وفاهم فاحلك الوقت ماقل = وافعالهم بالطيب كل شهدها
في دار شيخ طول الايام مامل = عزيمته مايوم يفتر جهدها
تشهد له العربان مقفي ومقبل = انه ترقى النايفات وصعدها
وربعه عضوده فاللوازم تكمل = تاقف معه في وقفته لاعتمدها
واثني الترحيب وافي مكمل = ترحيبة باهل الوفا مابعدها

قصيدة الشاعر : قابل فرج البشري=
ياهجوس الشعر واجب تحضرين = والقوافي تضربين بحورها
لين من جزل المعاني توصفين =ليلةٍ طابت بطيب حضورها
ليلةٍ بيضا تسر الناضرين = بالوفا والطيب شعشع نورها
يوم شرّفها سليل الغانمين=زاد فرحتها وزاد سرورها
الشيخ ابو أيمن له المد الثمين = وقفته تجلى عظيم كدورها
ياعزيز الجاه يالحصن الحصين=من زبن به ماشكى من جورها
والكريم الحر جاب الاكرمين = واثبتت وقت المواقف دورها
قلتها والكل عنهم عارفين = والسما قالوا تعرف صقورها
مرحبا بالشيخ واللي حاضرين = الوفا في وردها وصدورها
في بيوت مدها سمن وسمين = تفرح الضيفان يوم تزورها
عشت يابو منير ياذرف اليمين= ياكريم ماشكيت قصورها
والشيخ ضيف الله وربعه ونعمين= بالوفا في عسرها ويسورها
حرب والأشراف في قسوه ولين= بينهم لزمه عظيم جذورها
ماتغيرها الليالي والسنين= ثابته مهما تمر دهورها
وختمها صلوا على الهادي الامين = شافع الأمه وبدر بدورها

قصيدة الشاعر عبيد جابر العمري =
دعاني المطلق ولبيت دعواه= جيته وفا تقدير لجله دعاني
جيت الشريف الهاشمي وكل من جاه= قال وانعم من قبل هذا الزماني
رجل الكرم والعز والجود والجاه = اللي على العليا بنا له مباني
رجل يمد الطيب دايم بيمناه = الله يحقق له جميع الاماني
اللي على نهج السلف صارت اخطاه = اللي بمدحه يعجزن المعاني
قليل بين الناس مثله وشرواه = ماله مثيل الا سهيل اليماني

الزواميل

***
***
***
***
هذه حداية من الشيخ محمد بركة بن مبيرك وخوياه من مشايخ حرب
الشيخ صالح بن شلاح الهنيدسي والشيخ ناصر بن حسين الغانمي
والشيخ مشعل بن حمادي البشري وباقي خوياهم من قبيلة حرب
عند الشريف مشعل بن سالم العمري وجماعته الأشراف بقرية
هدى الشام في حفل جميل ورائع

سلام من شيخ يريد الطايلات وينتسبها=شيخ الحروب اللي حكيم الرأي والعليا كسبها
شيخ الحروب اللي على يمناه وتحقيق طلبها=واليا زهم ياحرب نعم ياحرب فاليوم الخطير
يطلع مطاليع النجوم اللي تبادت في رتبها= تنصى الرجال اللي تمد الطيب من طيب نسبها
ربع لها التاريخ من هيباتها محداًغلبها= ارجال تاقف في مواقفها ويحمون القصير

حدايه الشاعر نايف البلادي0

سلام ياقوم الوفا والطيب ورجال الشهامه =
ياللي لكم مقدار وامقدار عالي في مقامه =
والطيب باقي بين خلق الله الى يوم القيامه =
بين الرجال اللي لهم مقدار عالي مستواه=
الثانيه=
جينا براية راعي الهيبه وزيزوم الزعامه =
شيخ الحروب ونفتخر بالحرب والحربي غرامه =
نزوركم ياصحابنا والحر يوفي في كلامه =
نحضر على ميعادنا علم نقوله ونحماه=

الرد من الشريف مشعل العمري وربعه =

يامرحبا ترحيب وافي والمعزب في همامه =
نمشي على وضح النقا والطيب مانخلف نظامه=
الله يحييكم حصلتوا والوفا قايم مقامه =
في بيت عز عادته دايم ينومس من نصاه=
الثانيه=
جيتوا على التكميل في بيت المعزه والكرامه =
نعمين بالشيخ المقدم والوفا حايز وسامه =
واللي يوفي فالوعد يفرض على الناس احترامه =
هذا كلام الصدق واضح مايضيع من قراه =