ابراهيم القرووون ... لاهنت

مسيت بالخير يابراهيم بعد الغياب = من طول بغيبته جاب الغنيمه معه
عساك رحت متوقي معك زاد وشراب = شفنا جنيه الذهب ياشتره ولابعه

مسيت بالنور كان انك تعرف الذياب = من صوتها شف جبال طويق متصدعه
ارد على العد لامن شفت روس الحراب = واليا وردت العدود اشرب شراب اربعه

مرسي الثقال وابراهيم القرون صحت السنتكم على هذا الطاروق الرائع والجزل من الطرفين بيض الله وجيهكم على هذا الابداع الراقي

ايبالله اعرف ذياب الضلع والراس طاب = واليا قنب واحدا" منها نعرف سنعه
البيت لاتدخله ياصاحبي دون باب = وش حدك الضيق وانته في مكانك سعه

بارك الله فيك يامضحي لك مني جزيل الشكر على مرورك الكريم

ياغراب وشلون تدمي الحر وانته غراب = دور على شي تقدر تصرعه واصرعه
هذي عوايد لجدي يوم توه شباب = يعشق صعيب الطروق البيض وانا اتبعه

ياحر عاين بروس النايفات الصعاب = وتشوفني والكلام اللي يجيك اسمعه
وش جاب طاري جدودك ياعريب النساب = اللي يتيه الدروب يعض راس اصبعه

النجم لامن بدى في بعض الايام غاب = ولا انت حتى نفود السر ما تطلعه
اهم شي ان سيفك سيف ماله نصاب = بعطيك سيفي واشوف ان كانك بتقطعه

ماحولك نجوم توك فوق ظهر التراب = تبغى النصيحه تريح من نصحلك طعه
ياطير رد السوال اللي يبيله جواب = الخير ماتجلبه والشر ماتدفعه

صحت ألسنتكم وبيض الله وجيهكم