خلوووووها خالد فهد الحربي

	المشاركة الأصلية كتبت بواسطة مضحي بن جمران

	خالد فهد الحربي= ياسلامي عد نوٍ من المغرب يقـود=لين سال الخد والخبت يقذف سيلها يامدورة السوالف ترا الممشا سنود=اقربو من فارسٍ جاء يسري ليلها مضحي بن جمران الحربي= مرحباك عد مايحسبون من النقـود=ارصدة تجار ينون فـي تحويلهـا الخوي اللي على الطيبه يبذل جهود=معه ياخالد هل الجود تتعب خيلهـا خالد فهد الحربي= البقا من شاعرٍ مايغيـره الصـدود=صحبته ماتختلف لو بغيت اتكيلهـا ياولد جمران عندك صلاه بلا سجود=بالصلاه الي على جنازةٍ تدعيلهـا مضحي بن جمران الحربي= كل طيب مثل شرواك جعله فالوجود=الجمال اللي ثقال الحمول تشيلهـا الدهر يومين ماكله سهود ومهـود=بين بيض وسود ربك يخفف ميلها خالد فهد الحربي= باالعلوم الطيبـه ماعلـى ماقفـك زود=يوم بعض الزمل باالحمل فاتر حيلهـا ياعسى ماباس والعود في عين الحسود=نشرة الاخبار تلزمـك فـي تفصيلهـا مضحي بن جمران الحربي= ماتهون الجسم ماتحتميه الا العضود=واضح الامثال ماحدٍ غواء تحليلهـا نحمد الله امن وامان والرب معبـود=موجز الهرجه يكفيك عن تطويلهـا خالد فهد الحربي= جود ياخبز العرب في لهيب النارجود=العرب ماتختلف غير فـي تحليلهـا ناقت الجيران من بعدكم جابت قعود=وان لحقها راعي البل تشاول ذيلهـا مضحي بن جمران الحربي= روسنا شاشة سطر ياصناديد الجنود=يامداغيش تروع العـداء وتهيلهـا ماحسبنا للعجم كيف نحسب للزيود=ولو تلوح جارة السو في منديلهـا خالد فهد الحربي= يامداغيش العرب لاتصحون الرقود=خلو ارقود العرب هيه وش غاديلها جيت ابا نشدك والين عينك لليهود=قلت واصل والقضيه لها تاجيلهـا مضحي بن جمران الحربي= الصدور لخافي السر صندوق السدود=الرقود رقود ماحـدٍ نـوا يشكيلهـا دامني بالحد ماعدت الرجل الحـدود=اعرف ان المقفيه مانويت اوميلهـا خالد فهد الحربي= الجنازه كفنت ودخلت تحت اللحود=والنصايب ركزة وانت ماتدريلها خلها ياعلهـا بذلايـف متعـود=والامور المقبله للنقاش نحيلهـا مضحي بن جمران الحربي= انت صادق بس عساك حضرة الشهود=قبل تاخذها على المقبـره وتحيلهـا البدو بديارهـا بيـن قيعـان ونقـود=واهل وادى النيل تنعم بـوادي نيلهـا

شكرلك يابو احمد
على التنسيق