شاركوني في عشق الجميله=كل شاعر ينظم بيتين او أكثر

	[type=4510]مع الشكر لجميع من شاركني ( في عشق الجميلة ) وهم حسب الأسبق :-[/type]

[marq]1 – ابوبندرالرشيد
2 – الكحيلة
3 – الصييفي
4 – صفق الهوى
5 – مرسي الثقال
6 – عبدالله عتيق الحنيني
7 – الحربي فهد [/marq]

والأمل تكرار المشاركة , ومشركات آخرين في (عشق الجميله) شعراً ، أو نثراً 0

ياجماعه عاشقن وحده جميله=والسعاده لكل من يتبع رضاها
لغة القرآن هي عشقي فضيله=لغة الجَنه عسانا في حماهـا
مانلومك في هوا عشق الأصيله=الله اللي عزها عن مـا سواهـا
نـزل القـرآن فيهـا بتآويلـه=تاجها بين اللغات وبـه تباهـا
كل كلمه من معانيهـا دليلـه=للعلوم الظاهره واللي خفاهـا
نغمة الشعار بها لحن عليلـه=تطرب السامع ولايعشق سواها
بَعِّد النغمه، ترى ما هي جميله=لغة القرآن ما هي مستواهـا
كل آيه نازلـه فيهـا جليلـه=كلها إعجاز ما يكتـب كماهـا
مثل ابن ثابت له أشعارن ثقيله = مثل ضرب السيف في غارب عداها
شعره ليا جاء الغزو ياضح له دليله=يدفع الخيال لو بيـده عصاهـا
يشحن الهمه ومهزومـن قبيلـه=شاعرن عند النبي نفسه راعاها
من زرع له زرع قدامه حصيله = والليالي ماوصلنا منتهاها
لاتقل (ok) علـى لسانـك دخيلـه=قل ( أكيد )أحلى صحيـحٌ مبتغاهـا
لاتقل( باي باي )أحسن قل البديلـه=قل ( بحفظ الله ) ومكسب لك جزاها
بعض الألسن كلما تسمع تشيله=ماتفرق عجمـةٍن وإلاَّ سواهـا
حكيته عند العرب (واللَّه )فشيله=ندعو اللّه إنها تصلح خطاهـا
اوزن ابميزان مكيالك وكيلـه=قدم تخلف شفها والا هواهـا
عجز الاول يا المفعل فيه ميله=لو جزيل العلم داخل محتواها
لاتجي ياخوك في درب الرذيله = الدروب العوج تنهي من مشاها
وكان تبغى ترز نفسك للطويله = أتجــه للــدين يرفــع مستـواهـا
متعتي بحـر الرمـل وإلاّ الطويلـه=فوق رملٍ(ن) بالعشى صافٍ(ن)سماها
والمعانـي والقـوافـي والمخيـلـه=والفلك دوار ، كيف !؟ : اللّهُ بناهـا

	[type=915137]وللمشاركين في (عشق الجميله)وللمشاهدين لها التحية والتقدير0 [/type]

	ابوبندر الرشيد