///هزتني الذكرى بطاريك يانوف///

السلاااااااااااااام عليكم ورحمة الله وبركاته
الاعزاء والاخوان والاخوات الكرام


تحية وفاء وتقدير لكم جميعااااااااا




http://www.5ymah.org/up/uploads/f708547dc8..rm

هزتني الذكرى بطاريك يانوف=وجريت لي ونه من اقصى المعاليق
يسقي زمانن فات يازهرة الجوف=يوم القمر ساطع بليل العشاشيق
يانوف كلن في زمانه له ظروف=وتحده الدنيا على غير مايطيق
اليوم دونك جيش وارخاية سيوف=مع وقفتن فيها يبى ينشف الريق
وعن ماتريد النفس نوخني الخوف=خوفي من الله ثم حكي المخاليق
اللي ليا شافوا على الغير صادوف=على الصفا يلقون للهرج تعليق
والشوك لامنه نشب داخل الصوف= لازم يمزق جسم راعيه تمزيق
يانوف انا معروف وابوي معروف =من ماكرن مجناه روس الشواهيق
ماني معزب والخطايا لي ضيوف=ولاني هدف لملصق الهرج تلصيق
والذيب لوهو كل ليله يبى يحوف=لابد ماتعثره سهوم التفافيق
من بندقن مامدها اللي يبى يروف=ينقش بها الأبره ومن صابته عيق
ولا الغلا منقوش في داخل الجوف= ولاني من اللي ينقضون المواثيق
يابو نهودن تو زمن ووقوف=يابو خدودن مثل ريش الغرانيق
يابو ردوف فوقها الخصر ملهوف=يابو جديلن مثل شمس التشاريق
ياعنق ريمن قادله جولة خشوف=برضن كساها الله بنبت الزماليق
غلاك والله لافنى يالغلا لوف=وانشهد انه طوق القلب تطويق
سريت ليلي مع نغم جورج وسوف=أهيم مع طيفك واجر الطواريق
و تطرقني الذكرى كما طرق عاصوف=لغصون سدرن ليناتن مواريق
في سجن حبك صرت يالترف موقوف=حاكمتني من دون تهمه وتحقيق
و تراي فيه بخير لو كنت مكتوف=مادام بيبانه بوجهي مغاليق

.
.
.
وسلااااااااااااامتكم

الشاعر الكبير محمد عبدالمحسن البدراني

صح لسانك وعلي شانك وبيض الله وجهك

ياسلام ياسلام عليك يابوعبدالمحسن

صح لسانك وعلي شانك على القصيدة الرائعه

	الشاعر الكبير محمد بن عبد المحسن البدراني صح لسانك و بيض الله و جهك و مشكوووور على هذه القصيدة

ياسلام عليك يالبدراني

صح لسانك وبيض الله وجهك

الأخ الشاعر

محمد بن عبدالمحسن البدراني
بيض الله وجهك
وصح الله لسانك
رائعه من رائع
لله درك
تقبل اجمل التحايا
ودمت ودام ابداعك

صح لسانك وعلي شانك على القصيدة الرائعه

صح لسانك وعلي شانك وبيض الله وجهك

صح لسانك

وسلم بوحك

الله يعطيك العافيه

ابوعبدالله

صح لسانك واعتلى شانك وبيض الله وجهك على القصيدة الرائعه

ننتظر أبداعك القادم يالغالي

اخيك ابوروان