ديوان الشاعر/ سعد المحمدي

*ياراكب اللي من الخوبه سرى عجلي*

*عقاب ليل وقبل صوت المواذينـي*

*اقطم خشم مايداني لمست الرجلـي*

*فكسار مادوجـو فيـه المساكينـي*

*مصممه مايعرف الغـش والدجلـي*

*(لو مايصلي مع النـاس المصلينـي)*

*ماحملته قـات والا حملتـه فجلـي*

*مافوقـه الا رسولـي للمحبيـنـي*

*قدام نور الصبـاح الليلنـا يجلـي*

*متعدي الـدرب واخذ بعده ايميني*

*متوجهٍ صوب ديرة عاشق ٍ وجلـي*

*داراً سكن في كنفها قـرت العينـي*

*اللي ليا سلهمت بعيونهـا النجلـي*

*اضيع بين الشفايـف والحجاجينـي*

*غرواً زها الماس والياقوت والحجلي*

*منتوقة العنـق شمعـه للمزاوينـي*

*طبعه كلامه قليل وان هرج خجلـي*

*واليا سكت فيه من صمت السلاطيني*

*يابو سعد ليت مالله يقظـي الاجلـي*

*قدام لاشـوف مـن حبـه معنينـي*

*من دونها يالرياحي خيل تسرجلـي*

*واقف بدربـي بعيديـن وقريبينـي*

*سعد المحمدي*