ديوان الشاعر/ سعد المحمدي

سـلام ياقايـد لـوانـا المظـلـي=تسليمت الاسلام مـن دار الاسـلام
احلى من الحالي حـلا يـوم حلـي=سكر نبات وخالطـه عنبـر الشـام
ممزوج به طيب وشمطـري وفلـي=ومغلفـاً بالـورد يانسـل الاكـرام
يالقايـد اللـي لصعيـبـه تحـلـي=قايد بطل ماهـي سواليـف ووهـام
قـدت المعـارك يازبـون المتلـي=وحررت كل الدود في عـزم وقـدام
اذن بـه المـذن وصلـى المصلـي=مـن بعـد ماعليـه ماكـر للقـزام
وحررت غارب كبع يـوم استحلـي=وطهرتم اقمـاده بعـد زرع اللغـام
مـن دارنـاً مـاراح مقـدار ملـي=خطت سعيد حسين تذهـل للخصـام
شافه عميـل ايـران واقفـا مولـي=الحوثي اللي غرتـه كثـر الاحـلام
يفكـر ان الحـرب معنـا تسـلـي=وحنا الذي من هازنا طـاح ماقـام
رصاصنـا مثـل المطـر لستهلـي=وجنودنـا لقـلـت قــدام قــدام
لو دمنـا مـن كـل عـرقٍ يشلـي=نرقى سنـود ولاسجدنـا للاصنـام
من مات جعله في نعيمنـا ً وحلـي=اميـن يمنـزل تبـارك والانـعـام
والحـي منـا مايـمـل ويكـلـي=ياطا على روس الروافض بالاقـدام
كـم واحـدٍ قلبـه علينـا مغـلـي=ماوده ان الدار فـي خيـر وانعـام
على الردى تله هـوا النفـس تلـي=جانا يدق اطبلوا حربـه مـن ايـام
واقـول حنـا قدمـكـم مانـذلـي=نفرك خشم من حس في خشمه اعرام
يـوم القـدم فيكـم يالانـذال زلـي=اسلاحنـا بوجيهكـم يــرزم ارزام