بلا مسمى ..!

ياجارح احسـاس المحبـه / سلامـات !
تجرح وتـسرح والمحـبه كما هي

ذبحـتـني بمحـبـتك عشر مرات
على الرغم من ذبحتك هـذا انا حي !

من قـبل لا اقابلك ماتعـق الذات
ومن يوم شفتك / صادروني هل الغـي

وقطعـت مـن شانك جمـيع العلاقات
وطوتني الدنيآ عـلـى طاعـتك طي

اعشقـك واحبـك واداريك بـسكات
كثر الجروح اللي تجي مـن يدك فـي

ومـن كثر حبـك لا لفـت مـنك كـيّات
اقول لـك:- مسموح واقـبـل الـكي

واخاف ما املك شئ وتقول لي:- هات
واقــول:- تبغى ذي ولا تـبي ذي !!

بخيّرك ولك الأمـر بالخـيارات
امـا تجـني لـي ولا تجي لي !!

لاتحسـب اللي بيـنا بالـمسافات
وانت اقرب لثوبي على مسكة ايدي

بسهـر معك والليل قـلّه سهالات
ماني بخايف عتمـتـه دامـك الـضي

سبحـان مـن بيـديـه سـبع السـمـوات
خلا../ عيونك شمـس ورموشـك الفـي

كـتبت فـيك ابيات وابـيات وابـيآت
وإليـا لقيتـك قـلـت:- لاوالله / شــوي !

ميـت ولكن مـانـي ضـمـن الأمـوات
مـيّـت بحـبك وانـته تشوفـني حـي

وإن كان حـبي مات لـيـه المعانات
انا بروح اموت / تامر على شي ؟!