قصيدتي بـ الشاعر العلم عضيب بن هليل في حفل الشيخ لافي الفحيط

16-01-10, 06:32 PM

هذه مشاركتي في حفل الشيخ لافي الفحيط الذي اقامه تكريماً للشاعر العلم \ عضيب بن هليل
فقدت تشرفت بكتابة هذه القصيدة بالشاعر العلم الكبير \ عضيب بن هليل اطال الله بعمره وامده بالصحة والعافية .

ياهاجسي دام القوافي حضورها = تنومس حضوري في جزايل حضورها
ويشوش راسي لالفني غزايزك = كني على هجن الشعر فوق كورها
هجن تورد كل ظامي لعدها = عد القراح اللي نمت به زهورها
زهور الهجوس اللي ليا قلت وينها = جتني فرايد من غزاير بحورها
اقطف ثمر مالاق من طيب جزلها = والنفس تهنى في طرايب سرورها
وجزل المعاني والمشاعر تداحمت = في ليلة قمرا تلالا بنورها
في ليلة نظمت فيها جزايلي =مدح وثناء والنفس هذي شعورها
بعيلم يزمي وتزمي جمايمه = نسل الرجال اللي طوال شبورها
ابوبدر سيف القبيلة ودرعها = على الاعادي حربة في نحورها
نحور الاعادي يوم زامت نفوسهم =وتطاولت لكن نفت من جذورها
بسيف الشجيع اللي خصومه تجندلت =بساحة الميدان باهت امورها
عشرين عام وفوقهن عشر مثلهن =وسباع الخلا تشبع وتشبع طيورها
من راس من دنياه غره وعودها =ولايدري انه في حبايل غرورها
ولايدري ان الحرب من اسم جدنا =حرب الزعامه من قدايم عصورها
حرب الذي اسمه ينوخ ركابهم =وترغى ونار الحرب بانت شرورها
ولايدري ان عضيب غيّب نجومهم =نجوم من نفسه تزايد فجورها
عضيب الذي بالمجد بيته مشيده =بالمعجزات اللي تلاطم بحورها
عرق الظفر شيخ المواقف وتاجها =البيضا زهت له وكتبنه سطورها
انه زعيم القاف والعز نايله =وانه لحرب الروم دايم فخورها

الشاعر \ بـدر القويضي العياضي

16-01-10, 06:39 PM

يستاهل الشاعر العلم عضيب

وصح لسانك يابدر

جزلة من رأس جزل

16-01-10, 07:00 PM

صح لسانك ياشاعرنا الجزل بدر القويضي الحربي لاهنت ويستاهل شاعرنا العلم الشاعر / عضيب بن هليل العلوي
هذه الشامخه منك بيض الله وجهك ووجه لاعدمناك سلمت ودمت يابن العم وهذا هو شعور الجميع حيال كل وافي للقبيله من ابنائها الكرام