الحزااااااام الناااااسف

مرحبا عد مالاح برق الخيال -فاليمن والشمال- ورزم ارعودها= في حلال الوفا والغلا والكرم -في حلال الوفا والغلا والكرم
قوم يحزام عطنى علوم العرب- ليش زاد الغضب -ونكسر عودها=سبة الي صغير وتو ماقرم -سبة الي صغير وتو ماقرم

البقــى يالــمرحب وهــات الــخبر-خل عندك نظر- والزم إحدودها=بــعد ماقمت لك فوق ساق وقدم -بعــد ماقمت لك فوق ساق وقدم
كـل حــاجه تبــى تســتوي ياولد - والعرب فالوعد - تبذل إجهودها=والظفر قيل مــايطلع إمن اللحم - والـــظفر قـيل مايطلع إمن اللحم

صحت السنتكم وبيض الله وجيهكم


لكم تقديري

فيه لجه وصجه وعلمٍ وكيد -فوق فرشة سعيد- باحت اسدودها=مير شيخ العرب قلنا وش وسم -مير شيخ العرب قلنا وش وسم
انت عمك تسبب وقاد الخطر- بعد وقت العصر-عندي اشهودها=وانت تشرد وتضوي لريح الدسم= وانت تشرد وتضوي لريح الدسم

العــدا ودهـــا بالــــفـتن بيننا -مــير ماعندنا -نـفـــحـس إكبــودها=والعرب ماتوحا رطين العجم - والــعـــرب مــاتـوحـا رطــين العـــجم
مـاحصل من جهتنا ياكـود الـوفا - والغـلـيم نفا - وأشعل أوقودهــا=مـــير مـــاعندنا غير فرك الخشم - مـــير مـــاعندنا غير فرك الخشم

كلمةٍ قالها عمك الملتحي-بعد ساعه صحي-ضاعت اجهودها=والذيابه تجفل جميع الغنم-والذيابه تجفل جميع الغنم
من جهتكم حصل علم ماهو غريب-شاهدي بن مثيب-من ورا احدودها=كيف تهرج وخدك عليه الوسم-كيف تهرج وخدك عليه الوسم

كيف تظلم ضميرك وكل السبب - بعد رز الذنب -ورعٍ يقودها=مــــن بنـــيخيك لاكـــن رد الـبهم - مــــن بنيـــــخيك لاكــــن رد البهم
العلوم الغريبه لها عندكم -عود غرر بكم - يــــقــــــدح إزنــــودها=بيتكــــم بعد أبوزيد راح إنهدم -بيــــتكم بــــــعد أبوزيد راح إنهدم

صح لسانك ياشاعرنا الجزل سموم القيض وصح لسان زميلك الشاعر الجزل حزام ناسف لاهنتم محاوره جزله من الطرفين تستحق المتابعه وابداع متميز تشكرون عليه لاهنتم ولانعدم تواجدكم وبيض الله وجيهكم

كيف يوعد ويخلف ويغلط بعد-دن فوقه رعد-نار بوقودها=احمد الله بعد راس عمك سلم-واحمد الله بعد راس عمك سلم
عودنا شيخ وانته تعرف الخبر-يوم ربعك جبر-استر اشنودها=عان بصمت ربوعك يمال الشحم-عان بصمت ربوعك يمال الشحم

ياحــليلك ليا جيت بالسالفه - دايـــــم إمـــخــــالفه - مـــير لتعودها=وإبعلوم الوراعين لاتحتزم -وإبـــعـــلوم الـــــوراعـــين لاتـــحــتزم
نعـــرف الشيخ قفا يامال الشحم -مـابقى الا خدم - نلطم إخدودها=مير حاسب لياشفت شوك السلم - مير حاسب لياشفت شوك السلم