ديوان كسرات الشاعر / عبدالرحمن مساعد بن شريان الجحدلي ( الذراع )

قال الشاعر / عبدالرحمن بن عاتق البيضاني

يابو شري عقرب الساعات = ما نبهتنا وردتنا
حتى الدقايق مع اللحظات = تمشي على حساب راحتنا

رديت له

أدرى على أجمل الأوقات=ان كان تبغا مشورتنا
لو يدري الحاسد الشمات=يمشي على عكس شورتنا

بن عاتق

أسألك لجلك عزيز الذات = ليــه المنــايــا تحدتــنا
ما تاخذ الا رجال ثقات = ومع باقي الناس خلتـــنا

رديت له

إصبر على قسوة الشدّات=يا تاج راسي و قدوتنا
وابشر بامانك من النكبات=صبرك يحقق بشارتنا

قال الشاعر / عبدالرحمن بن عاتق البيضاني

ما سلتني عن ربيع العام = والديرة اللي وصلناها
ضلعانها تتعب الاقدام = والعين ما ينشرب ماها

رديت له

خابرك ياصاحبي عزّام=تاخذ هوى العين ومناها
واليوم مدري عن الأعلام=اللي وقعتوا فبلواها

بن عاتق

ديرة عليها العباد زحام = ما استقبلت كل من جاها
والبكرة اللي بدون خطام = مرسولنا عود بلاها

رديت له

ابوظبي حطّم الأرقام=جلّل ذلوله و شفناها
واشوف سلطان بن وسّام=لرجال قحطان عبّاها

قال الشاعر/ الشريف محمد حبيب الله العمري من مركز هدى الشام وشاعرنا الكبير / ماجد عبدالله الجدعاني

عِّد المسافات والأميال=للي دعانا وجينالُه
سلام منا لكم فالحال=ينصّا المعزِّب وجيرانُه

قلت

هّل الفرح وإستراح البال=بوجودكم زان ميدانُه
يامرحبا ياأعّز رجال=من راعي النوب واخوانُه

الشريف & ابومديده

عسى البقا ياجويد الخال=والطيب مازِّحزِح أركانُه
هيا أستمع موجز الأقوال=والفن بانسمع ألحانُه

قلت

إنتم هل القول والأفعال=يارِبعة الطيب وأفنانُه
هات الخبر ياحسيِن الفال=يعجبني الفن وأوزانُه

الشريف & ابومديده

كان الصفا مِعتلي في جبال=عالي بصرحُه وبنيانُه
حياة صادِق وحي هلال=واليوم ماقّر ميزانُه

قلت

عيني بكت دمعها همّال=تذكّرت أول أزمانُه
مِن راح مايعود للمنزال=والله يبارِك في حيانُه

الشريف & ابومديده

هزاع كّلِم لنا مرسال=وألآ أنت ريس وربانُه
ويش الذي غيّر الأحوال=وكُل شي طيّب في آوانُه

الشاعر العملاق هزاع صالح

سد المخايل أشوف خيال=سحاب والخير في أمزانُه
واللي لفا للبلد نزّال=لُه حق ماينّكِر شانُه

قال ابو سالم الشاعر العملاق / عايش صالح الأحمدى من محافظة ينبع

جيتك باغلاحروف الود=رافع شراع الموده فيه
سلام ما ينحصى ويعد=من عذب نبع الصفاصافيه

قلت

من أمس لليوم حتى الغد=صرح الصداقه لكم بانيه
في داخل القلب و مجوّد=يا مرحبا ودّكم باغيه

ابوسالم

ممنون لك ياعريب الجد=وشاكرلك الطيب ياراعيه
لعل صرح الوفى ما يهد=يبقى وتبقى على عاليه

قلت

عسى البقا طيبك الأجود=من أصلك الطيب يا وافيه
طيب الوفا منك ماله حد=ياليتني ألحق آجاريه

ابوسالم

جابت حروفك عبير الورد=وآنا تذوقـت مـا تعنيـه
فيه المعانى وذوق الـرد=توج حروف المثل قافيه

أيضاً قال الشاعر / عايش صالح الأحمدى من محافظة ينبع

من شاطىءالود وظفافه=سلام عابرلـك الأميـال
ياصل جنابك حلو قافـه=من قلب محبوبك الرحال

عبدالرحمن

شاجاني الحب والطافه=تقديركم غايـة الآمـال
ترحيب كالشهد اوصافه=ياامير ياحاكم الأقـوال

ابوسالم

راع الوفى دوم ميقافـه=راقى وكله وفى واكمال
تسلم وتبقى علـى نيافـه=ياصرح لك بالوفى منزال

عبدالرحمن

نهج الوفا إنت مِشرافه=كريم فالقول والافعـال
وميقافنا عندك اضعافه=ياوافي الطيب والاعمال

ابوسالم

السيف فـذراع سيافـه=مثل الرسن فى يد الخيال
وانتم من اهله وعرافـه=كمله لكم طيب الأمثـال

عبدالرحمن

في عالم اليوم واطرافـه=العولمه جات بالأهـوال
إعلام كافر في أهدافـه=عشقوه الأطفال و الجهّال

ابوسالم

ذا واقع الوقت واصلافه=لايضيق صدرك ولاتنهال
كلاً يحالف مع احلافـه=هذ زمانك وذى الحـال

عبدالرحمن

ألبـث اصبحـت آخـافـه=واصبحت خايف من الجوّال
و النّـت يامكثـر خلافـه=أثّر على حشمـة الأجيـال

ابوسالم

كل الذى تشوف لتخافه=والقلب لاتشغله والبـال
ذاك الزمن راح باسلافه=اللى على الذاكره مازال

عبدالرحمن

الله خلقـنـا بأكـفـافـه=لعمارة الأرض و الإجلال
القلـب لازاد إسـرافـه=ينسى صلاته وراس المال

ابوسالم

هذاالـذى كلنـا نخافـه=سبحانه مبدل الأحـوال
وقلباً نسى فروضه نعافه=مهمااستمرالزمان وطال

أحمد بن عاقل الغانمي

عزيت قلبى على فرقاه=لاواعذابى وحرمانى
يوم الاسى مدلى يمناه=ماحى فالكون عزانى

قلت

ما باس يا برق في معناه = ما باس يا نور الاعياني
الحظ لا مال في ممشاه = لا بد ما يعتدل ثاني

قال الشاعر / فارس خليل بن مرشد الصاعدي

مدري متى ذا الاسى ينزاح=ولا زالت جروحنا تكبر
عطني بصيره عشان ارتاح=كذاب لو قلتلك بصبر

قلت له

المشتكي من أسى و جراح=لازم عن اسبابها يخبر
جرح الأسى ينجبر بإصلاح=مادام كسر العظم يجبر

فارس

جرحين منها ضميري باح=لاقبل خياله معي وادبر
طرياه في خافقي ماراح=ويلاه مالي عنه معبر

عبدالرحمن

سانف مع المد و الأرياح=سايس مع الموج لا كبّر
يغديبك الحال يا سبّاح=إن كان ما جيت فوق البر

قلت لفارس

أيامنا من نهار و ليل=الحر و البرد عادتها
والناس في عدلها و الميل=خاب الأمل في سياستها

فارس

ما عاش من يطفي القنديل=علتك عندي افادتها
لا تلتفت للجدي وسهيل=الناس صعبه قناعتها

قلت

من بعض الأجناس ذقت الويل=مثل الثعابين لدغتها
تغريك بالزين والتبجيل=بس الغدر من طبيعتها

فارس

مثلك ما يتبع ردي الجيل=امثالك الطيب غايتها
وان مال بعض البشر لا تميل=دنيا دنيه حقيقتها

قلت

يا طالب الهندسه تكميل=اشفيت نفسي و حالتها
عن الرفيق الردي باحيل=نفسي عزيزه كرامتها

قال الشاعر المعروف / عويدات بن محمد

قد ما شكرتك انا ماوفيك=يافن زايد على فني
انا اشهد ان الشهامة فيك=من أصل طيّب يواصلني
ياساس من معدنك صافيك=اطلب من الله يجملّني
شفت السعادة وانا اراعيك=في ليلة الأنس شايلني

و رديت له :

وانعم عويدات من ماضيك=ميقافكم ما يخجّلني
وفاك جاني قبل لاجيك=في كل واجب توجبّني
الطيب مقرون مع طاريك=دايم على العز سابقني
لازم فوقت اللقا نحميك=عسمي ولازمك يلزمني

رد عويدات :

ماخاب من جاك مترجّيك=يابن شريّان صدّقني
الخال والد ونا بناخيك=بين الخلايق تنومسني
ياشاد عضدي ونا شاريك=ياللي بفعلك تشرّفني
من نسل طيّب سبق وافيك=بالفعل ماهو فضل منّي

أيضاً قال ابو احمد :

ابغى إفادة من مجرب =من هاجسٍ فالفؤاد يلوج
لايوم فيه الرجا قرّب=امشي عدل و الليالي عوج

رديت له :

حصّن فؤادك بذكر الرب=يا شاكي الحب و العمهوج
كل يوم حث الخطا فالدرب=زيد الصبر و الصعاب تموج

قال الشاعر / عطيّان بن زاهي البلادي

نشكر مساعيك و جهودك=ياللي على الأولّه مقدام
ورثت جودك من جدودك=والطيب لاهله يسير وسام

رديت له في رسالة جوال أقول فيها :

الطيب من صافي عدودك =أهل الوفا من سنين قدام
في كل واجب سبق جودك=واجبك نثنيله الأقدام