قصيدة الشاعر منصور بن شجاع بن حبيتر فى حفل زواج الشيخ سالم بن محمد بن نحيت :-

هذه قصيدة الشاعر منصور بن شجاع بن حبيتر فى حفل زواج الشيخ سالم بن محمد بن نحيت :-
___________________

يالله ياللـى مـن ترجـاه مـا خـاب=باسمك الهـى نظـم الامثـال نبديـه
يا غافـر(ن)زلات عبـده ليـا تـاب=بعفوك وغفرانك عن الذنـب نرجيـه
انت الرحيم اللى عـن العبـد تـواب=وانت الـذى رزق المخاليـق بايديـه
ماله شريك ولا له اعوان واحـزاب=فرد(ن)صمد واحد احد يـا مناجيـه
ومن بعد ذكر الله نبى نكتـب كتـاب=ترى حلاة القول فـى حـل طاريـه
سر ياقلم واكتب من القيل مـا طـاب=واكتب جواب(ن)عن خنى الهرج ناقيه
ما نقبل الزايـد ولا ننقـص حسـاب=كل(ن) على ماقيـل بالحـق نوفيـه
انا التـزم بسلـوم واعـراف الاداب=ولا اقول قول(ن) يلحقنـه مشاريـه
جينا نبـارك يـا عريبيـن الانسـاب=ممشى القدم مانى عن الشيـخ مغليـه
بين الذويبى والنحيتى ظنـا حجـاب=الله يـوفـق فالهـدايـة مساعـيـه
مقدم بنى سالـم حجـا كـل هيـاب=نمـرا تعـدى بالمشـوك معـاديـه
اهل الوفاواهل الكرم واهل الاحساب=اللى خوى الجنـب بالـروح تفديـه
من فتح مكه وانتم جنـود واصحـاب=للى انتشر نور الهداية علـى ايديـه
ببيوتكم ظـل وذرا ريـف وحجـاب=للى نصاكـم ملتجـى فـى بلاويـه
وصل لبوك ودخلـه داخـل البـاب=واذراه بعد الله عـن النـاس مذريـه
عامين لين انـه رضـا كـل طـلاب=حتى انتهت بالسلم وانهـى دعاويـه
والشيخ يا سالم نحت فيـه الاسبـاب=الناس ترجى منـك تمشـى مماشيـه
وربعك بنى سالم عمى كـل حـراب=بالسيف راس الضد ترخـى علابيـه
وحنا ليا منه وصـل حـزم كـلاب=يا ويـل منهـو بالحرايـب نعاديـه
حنـا مساريح(ن)لـلارواح جـلاب=جدع المجـوخ طبعنـا مـا نداريـه
حـد القبيلـة يمـنـا دوم منـهـاب=نحمى حدود الدار من شـر اعاديـه
حنـا ضربنـا ليـن دم العـدو راب=فى حد سيـف(ن) بالجماجـم نغذيـه
وشلف(ن)تشيل القلب وتشل العصاب=كم غالى(ن)يبكى علـى فقـد غاليـه
وحنا دعوا فينا على الناس الاجنـاب=قالـوا تراكـم يالنشامـا حـراويـه
وحنا بذلنا المال مـن دون الاحبـاب=بعنا الكحيلـه بالعشـا لاجـل نوفيـه
بحيد الحناكيه بعـد ذيـك الانشـاب=ثواب لا منه بغـى الهـرج مخطيـه
وحنا ذبحنا بالخـوى ستـة ارقـاب=غير اليميـن اللـى عثرهـا بناخيـه
هاذى فعايل حرب باجناب واصحاب=والناس كـل(ن) ينتخـى دون عانيـه
ولانى بـذم النـاس ولانـى بسبـاب=كلمة وفا حسب الطلب جيت مهديـه
منى طلبها صاحب(ن)دون الاقـراب=عبـدالله اللـى لـه معـزه ونغليـه
وصلاة ربى عد مـا سالـت شعـاب=على النبـى بـاول كلامـى وتاليـه

_________________________
*ويقصد الشاعر هنا عبدالله بالشيخ عبدالله بن محمد ابن نحيت

صح لسان الشاعر منصور بن شجاع بن حبيتر ويستاهل ابن نحيت

ولاهنت على النقل يا ابن حنتوش

صح لسان الشاعر

وسلمت يمين الناقل

يسلم لي منصور صح لسانه على هذه القصيدة التي لاتكفيها كلمة رائعة وبيض الله وجهه وابن نحيت يستاهل
والشكر الجزيل للناقل
وللجميع تحياتي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

أشكرك عزيزي ابن حنتوش
صح السان منصور ابن حبيتر وابو شجاع
وابن نحيت يستاهل
جعله في ميزان حسناتك
بارك الله فيك وتقبل مروري
مع شكري وتقديري لك يامميز

الله يبيض وجهك يابن حنتوش على الطرح المميز ونعم
بالمادح والممدوح

ابن بصيص
الحميدي المخلفي
حسين العبيدي
الحب الباقي
علي العلوي
سعد المحمدي
الموضوع لاشك جميل ومميز ولكن مازاده جمالاً وأهمية مروركم المشرف ونقش اسماؤكم العزيزة بالصفحة شكرا لكم

والشيخ يا سالم نحت فيـه الاسبـاب
الناس ترجى منـك تمشـى مماشيـه
وربعك بنى سالم عمى كـل حـراب
بالسيف راس الضد ترخـى علابيـه

و نعم بالشيخ سالم و بدفانة الركبة كلهم و صح لسان الشاعر/ مصور بن حبيتر

و ابو خالد يستاهل

	المشاركة الأصلية كتبت بواسطة حميدان العوفي

	والشيخ يا سالم نحت فيـه الاسبـاب الناس ترجى منـك تمشـى مماشيـه وربعك بنى سالم عمى كـل حـراب بالسيف راس الضد ترخـى علابيـه و نعم بالشيخ سالم و بدفانة الركبة كلهم و صح لسان الشاعر/ مصور بن حبيتر و ابو خالد يستاهل

الاخ العزيز حميدان العوفي ماعليك زود فأنت من قبيلة من اهم اركان حرب عوف ذلك القسم الغالي من قبيلتنا العزيزه وقولت نعم إذا اتت من رجل عاقل وحكيم مثل حميدان العوفي فلها قيمتها وميزتها