ديوان الشاعر/لافي بن نفجان الحربي

يام السنام الزيـن واجبـك مهضـوم=بيـن المفحـط والشبـوك وقـرايـا
بوز العقاب اللـي لمضرابـه يهـوم=ان تلـت الجنـدوب يمسـي ونـايـا
هزة مناكبهـا تقـل ترسـل سهـوم=صفـرا لهـا يـم المجامـر نـوايـا
زومة شجاع ٍ بالوغاء الشرس مزهوم=وفـرة قـطـاة ٍ حلـقـت للغبـايـا
وان طالعت قدامهـا شـوف زهـزوم=قامـت تشـوح يدينـهـا بحتمـايـا
ايديـن سبـاح ٍ مـع الغبـه يعـوم=عبثـه تسـوي بالمبـاري سـوايـا
سردا تموح الأرض بشعـور متهـوم=حقـق معـه جمعـه بعـدة جنـايـا
طويلـة النسنـوس والشـط مـردوم=متربعـن فـوق الفـقـار بـزوايـا
عـزاه مـن قيـد ٍ برجلينـك اليـوم=شوفي بعيني ماهـو هـرج وحكايـا
بأسفـل عراقيبـك محكّـم ومبـروم=قصـه غريبـه مـن كبـار الخطايـا
واللي يسوقـك قـال مافيـه معلـوم=جابـوه بالفيـزه خبيـث السجـايـا
ظلمـك كبيـر وارد الهنـد مظـلـوم=عسى الكفيـل وعاملـه لـك فدايـا
لك العـزا يـأم الجنايـب وخرطـوم=بمقدميـن أرواحهـم لــك هـدايـا
قوم ٍ يصلون السبايـا علـى القـوم=عنـدك صناديـد القبايـل ضحـايـا
ويلك على اللي ماسحبوا غرفة النـوم=بـدوٍ بحـقـك كاملـيـن المـزايـا
راعيك ماينظـر لعمـه متـى يقـوم=بيـن الستايـر والكبـت والمـرايـا
حني على اللي مالهم غيـرك همـوم=نطاحـت الكايـد جـمـال القضـايـا
ماتابعـوا درب السهـل زومهـم زوم=اهـل الهقـاوي مبعديـن النحـايـا
لهم على الشـدات وقفـات وعـزوم=وفزعة عرب وان صوتـوا بالحمايـا
فهود الـزراج مزبنـة كـل مضيـوم=سواقـة العطفـه نـهـار المعـايـا
ماصفقـوا بكفوفـهـم لأم كلـثـوم=تصفيقـهـم لمعدلـيـن الـسـرايـا
قوم ٍ يبوجون الخرايـم علـى الكـوم=لأجلـك يدوسـون الخطـر والمنايـا
أهل المهـار السـرد جلايـت اللـو=متلقى الرمك فـي معتركهـم رزايـا
ليـا تعـلا سابقـه كـل شغـمـوم=ثم غطرفـن علـى الحنايـا الصبايـا
كل ً سلب من عدة المـوت صـاروم=حدب س علـى دم المعـادي ضمايـا
يصحي بهم عن تيهتـه كـل منجـوم=عنـد الطيـوح اللـي عليهـا حلايـا
قبل المغيـره سبرهـم يعتبـر سـوم=والا حـراج البيـع علـط ٍ عـرايـا
في ضلهم ترعيـن بالعشـب كيهـوم=فـي موقعـن مـا دوجوبـه شوايـا
حاميه خوفه بـأول الوسـم ماسـوم=فيـه المصامـد والخبـاري مـلايـا
وأهل البقر في حروته مالهـم حـوم=غيـر الحبـاري والجـوازي رعايـا
واللي جرالك يـأم دبـدوب مقسـوم=ودك علـى هكـا الرجـال الدهـايـا
ماعاد اشوف لدارهـم باقـي رسـوم=حتـى رمـاد النـار مالـه بقـايـا
الدايـم الله والمخالـيـق مـاتـدوم=راحـت بهـم غبـر الليالـي سعايـا
دنيا حلاهـا شـوي والا النكـد كـوم=تعطي نكد لـو هـي بخيلـة عطايـا
عوبـا تهيـن الحـر وتطلـع البـوم=وينعم بهـا نـاس ٍ ونـاس ٍ طوايـا
ترفع بدال الروس كرعـان ورخـوم=وتبطش بزيـزوم السـرب والسبايـا
قلته حسب فهمـي وللنـاس مفهـوم=والعذر لأهـل العـرف مالـه نهايـا
يسمح لي الطيب بمـا قلـت محتـوم=والا الـردي ماعـنـده الاّ الـزرايـا