ديوان الشاعر/لافي بن نفجان الحربي

أنا ماشريت الجيـب للضـل والحفـوه=أبي مهمهـن خالـي بعيـدن مناهيلـه
دعاه الشمال وجاب مافيه مـن صفـوه=تبكر له المسـراح والمـزن يوميلـه
نظامي علىوضحا النقا مامشـا خفـوه=عسى الله يوفق سفرته فـي تساهيلـه
بعد قام فوح الارض مثل الجبـل قفـوه=حوايف جنوط كـروم تعطيـه تشكيلـه
يبيله حماد ٍ جـاه بـدر الحيـا ضفـوه=تقافا عليه الوسم خمسة عشـر ليلـه
يهاجر لها فرخ الوحش ينتظـر لفـوه=بها نـادر القرنـاس تكثـر مداهيلـه
ملاقي صقيع البرد تحـلا بهـا الدفـوه=تشوف الحباري والقطـا فـي هذاليلـه
عسى هجسي المجروح ياخذ بها غفوه=ليا قالوا ارقط يـم لاهـه درج سيلـه
خوي السفر والدرب قولة نعـم كفـوه=عزوم ٍ مثل بلهـان لـو ثقلـوا شيلـه
شريف اوسيع بطان يبعد عـن الهفـوه=نطيح المهمه كان قلـت بهـا الحيلـه
بغيت اذكر اسمه بس لزّم على عفـوه=على شان سوس الضرس تبطل مفاعيله
خبيث السجايا عنه ضـوه بهـا طفـوه=لو انه يعض الكوع ماجـاء مواصيلـه
أنا سيرتي مارافق مـن البشـر نفـوه=وشارك سديد الراي لاصاب وأصغيلـه
ليا شفت من بان الحسد فيه والجفـوه=هجرت الطريق اللي يجيلـه ولا جيلـه
رفيق المصالح ماعلى رفقتـه شفـوه=ترى تبعـت المقفيـن للـراس تنزيلـه