ديوان الشاعر/لافي بن نفجان الحربي

أناجريـح وكـل ماطبـت لـي يــوم=تـال النهـار يصيرللجـرح نـاقـوض
أمسـي عليـلٍ فاقـد الـذوق مهمـوم=مثل غليثآ خمسـة إسبـوع معضـوض
رغم إقتصار الرجـل لوكنـت معـزوم=وأيضا إجتنابي دوم عن مجمع الخـوض
بعض البشـر فـي رفقتـه غيرملـزوم=أرافق أهل الطيـب والـرأس منهـوض
وأبعـد ولاقّـرب لمـن كـان متهـوم=والمشتبـه ماأجاوبـه ربـع ملفـوض
وأشفق علي أهل الجود لوهم من القـوم=ولاالردي لوهو مـن الربـع مرفـوض
وأحكّم ألساني عن خطأ الهرج ماأعـوم=ولاجامل اللـي قلبـه أسودوممـروض
وأصد عـن مـن صـد لودايـم الـدوم=بعض البشر في قربـه إبعـاده يعـوض
ومن الحميه كـل مـن كـان معـدوم=ما يجتمـع شمـلٍ بليـا ه مفضـوض
وأ ظن من رد الجزاء غيـر مـا ثـوم=البـادي أظلـم والمسائـل لهـا روض
ومـن لايفـرق بيـن أمـس واليـوم=هذاك لحداث الزمـن صـار عـاروض
لاشك ما مخلـوق يسلـم مـن اللـوم=وليا حكا بعض البشر يقرض إقـروض
وعبر الاثير أوحيـت همسـات منجـوم=سمعتهـا لوصوتهـا حيـل مخفـوض
ولاني زهوف وعن بعض ما أوحي أسوم=وعندي قناعه قارض الناس مقـروض
ولـو أن كـلٍ يعـرف الحـق ويقـوم=فيما يخصه صار مسعـد ومحضـوض
ما صار به قاضـي وحاكـم ومحكـوم=ولا به عقولٍ كـل وقـتٍ لهـا مـوض
ولاصا ربيـن النـاس تفاخـت سلـوم=والحق للـي يعرفـه مابـه إغمـوض
يا للي تركـت اللازمـه جنـب الـزوم=تـراك والله لـو تفلسفـت مغـمـوض
يا مـن سرابـك بـأول الليـل جاثـوم=عليك حمل الحق لـو قلـت مشظـوض
يا نا يم إ صحا بس يكفـي مـن النـوم=صافيك يا بن الناس مطروق مخضوض
يا صـاح مـا بـه حـر قدواكرالبـوم=لياء صار له وكرٍ من الغش محفـوض
ولياء جهلـت أقـول بـه درب معلـوم=جليس من يجهلـك يعطيـك ملحـوض
لاتنخـدع بعلـوم وهـدوم وجـسـوم=وأفهم ردي الحيـل بالحمـل ماينـوض
ويشـري العنبرتـرى تاجـر الـثـوم=وعبرالهواء قولٍ ماهوصـح منقـوض
ولا وكبرمصلـي وراء مـذّن الــروم=ولاينبني بيتٍ بـه الجسـر مقضـوض