ديوان الشاعر/لافي بن نفجان الحربي

ومن شعرالشاعرلافي بن نفجان هذه القصيده يمدح بها الامير عبدالله بن نايف بن مضيان رحمه
الله تعالى وقد رد عليه الشاعر ناهس بـن مطلـق الظاهـري الحربـي
وبعدوصول قصيدة ناهس للشاعرلافي رد عليه قصيده أخرى .يقول لافي
فـي مـدح الاميـر عبـدالله بـن نايـف بـن مضيـان رحـمـه الله.

يالله يالـي ترجـي النـاس حسنـاه=عفوك شمـل ذنـون يـوم إبتليتـه
عفوك عظيـم وزال شـره وبلـواه=وبأمـرك محمـد للعبـاد أصطفيتـه
تفرج لقلـبٍ بيـح اليـوم ماأخفـاه=هاجس عظيم وبالحشـاء ماقويتـه
من كلمـتٍ عبـر التلفـون مهـداه=يـاوي كلمـه بيـحـت ماكنيـتـه
بن غيـام موضحـآ ظمـن معنـاه=يذكر تحضراء هـلال داخـل كويتـه
عديت رجمآ هيـض القلـب مبـداه=بيّـح خفايـه ليتـنـي مارقيـتـه
أقنب كما ذيبٍ رفـع صافـي عـواه=ذيبٍ عوى واللـي بقـا لـه عويتـه
فطـنّ علـي أيـام وقـتٍ قضينـاه=وقتٍ مضالي مـع خوالـي قضيتـه
ياراكب اللي ينعش الـروح ممشـاه=ماغيـرت مكينتـه لــون زيـتـه
أخر مديـل مـن الوكالـه شرينـاه=من شأن مكتـوب الاعـزه شريتـه
عليه قرمآ يوصل الجمـس قصيـاه=وأنا بعـد فـي فعـل جـده نخيتـه
عزّام جزّامـآ عـن الـدرب ماتـاه=ملفـاك مـن لاقيـل بـه مالقيتـه
قبل صـلاة الظهـر ياصـل لمنهـاه=عبدالله اللي بالكـرم شـاع صيتـه
ملفاك أبوماجد عسـأ النـذل يفـداه=يفـرح ليـا منـك لفيتـه وجيـتـه
راعي هلأ بالضيف يضحـك محيـاه=ماصـك دون النـاس بيبـان بيتـه
مقدم خوالـي فـي نهـار الملاقـاه=إن صار يومـآ بـه حيـاتٍ وميتـه
وصل سلامـي يافتـى يـم منصـاه=مقـدم إسبـاعٍ حدهـا محتميـتـه
ورد السلام لكـل مـن كـان تلقـاه=وأثن السلام لمـن وصلتـه وجيتـه
تلقـى مضايينـآ شيوخـآ مسمـاه=ماهـم بأهـل لوحـات ولانبيـتـه
لباسـت الجـوخ الحمـر بالمثـاراه=وتاريخهـم وسـط المجلـد قريتـه
لهـم نهـارآ بالطويليـن ماأحـلاه=خلوا إجموع اللـي غزاهـم شتيتـه
عشـره قلايعهـم وتسعـه محـلاه=بعد الكلام اللـي حصـل بـه نعيتـه
وربعه هل الهدلاءله عضود وحمـاه=عدوهـم لليلـه سـهـر مايبيـتـه
ظوهـره جمـع المعـادي تـحـداه=ترعابهـم حـرش العراقيـب هيتـه
يفـرح بهـم بالكـون راع المخـلاه=لياء اقفوا إربوعه والعـدأ مقتفيتـه
ولياء نووا ماهـم جماعـة مـراواه=كلٍ علـي قطـع المخافـه صنيتـه
ويدلهون اللـي نـزح عـن دنايـاه=اللـي سنينـه بالقصـاء مقتصيتـه
وأهـل أبيوتـن بالنـوازي أمبـنـاه=يدلـه بهـم مـن لابتـه محتفيتـه
مدهالهم رغمآ علي الضـد بحمـاه=يشهدلـي التاريـخ باللـي حكيتـه
وأهـل إمهـارآ للمعـارك إمضـراه=حمائـلٍ رجـم الشـرف معتليـتـه
وان شافهم شيخ العدوا عمست أرياه=قولـي حقيقـه والهـدف ماغويتـه
يأهل الوفاء يأهـل الـدلال المعـذاه=اللـي مضـى لاتحسبونـي نسيتـه
حنـا غلاكـم مـن سلفنـا ورثنـاه=ياليـت بيتـي فـي بلدكـم بنيـتـه
ومن حبكـم ياخـال عـذرك قبلنـاه=عبرالهواء لوبعدنـا مـن عصيتـه
ولولأ الذي بالعيـن ياخـال شفنـاه=كنيـت مافـي خاطـري مارويـتـه
ولـولأ وفـاك بحقنـا ماذكـرنـاه=واللـي حصـل يامسنـدي ماهقيتـه
ياسهيل يالـي تبـذل الجـود يمنـاه=اللـي بغـى مـن غيرنـا ماجفيتـه
ولاهنت يافرز الوغأ ماأنـت مجفـاه=عنك الـرداء تاقـف حبالـه فتيتـه
وغيرك من المخلوق ماأحـدٍ طلبنـاه=سـواك ماأحـدٍ يالسنافـي نصيتـه
وإن كان لك حقـآ لـزوم وقصرنـاه=لك حق تنقض وعـدك اللـي نويتـه
وعطيتنـا قـولٍ وحـنـا خذيـنـاه=وتبـأ الحقيقـه موعـدك ماوفيتـه
حنـا لنـا حقـآ عليكـم رجيـنـاه=وليـاء ورد ماجوبـكـم مانفيـتـه
ولا أجامل اللي سبكـم لـو سمعنـاه=لوسبكـم رادي نصـيـبٍ هجيـتـه
تملكني الغيره ليـاء قـال مـاأدراه=لوهـو قريبـآ لجلـكـم مادريـتـه
والله ماأصبـر ياخوالـي لعـوجـاه=لوكـان روحـي بالمـدارك رميتـه
ومعكم لنا ميقـاف ماأظـن تنسـاه=ماقـف شجاعـه باقيـن لونسيتـه
اللي يعرف العلـم ماهـوب يخفـاه=ولو عـاد ميقـاف الاوائـل حميتـه
وتقديركم حنا علـي الـرأس شلنـاه=زرعآ لإبـوي وبعـد أبويـه جنيتـه
وصحت بدنكم يأهـل العـز والجـاه=صغيركـم بسحـوت بقعـاء فديتـه
وأن شفت من ناسٍ قريبين عوجـاه=مالي بهـم عنهـم طريقـي نحيتـه
مانـي أمثبـورآ قصيراتـن إخطـاه=درب الشرف مـع النشامـا مشيتـه
ورزقي علي اللي كون الكون وأحصاه=المعتلـي محيـي العظـام الفتيـتـه
الخالق اللي كـل الانفـس برجـواه=يافـارج لذنـون عفـوك رجيـتـه
وصلاة ربـي عـد وبـلٍ نثـر مـاه=علـي نبيـه عـد مـن زار بيـتـه

رد الشاعر ناهس بن مطلق الظاهري الحربي علي الشاعـر لافـي بـن
نفجان الحربي بالقصيده التاليه بعد عدت سنوات نظرآ لكون القصيده لـم
تــصــل نــاهــس ولــــم تــوجــه لـه.ردنـاهــس
يقول.

عزاه ياعينآ عـن النـوم مجـزاه=من واهجآ بيـن الصناديـق بيتـه
من واهجآ بين الضلـوع المخفـاه=لوجيت أكنـه بالحشـاء ماقويتـه
عدبت رجمآ هيض القلـب مرقـاه=هيـض غرامـي ليتنـي مارقيتـه
رجمآ لابن نفجـان قبلـي تعـلاه=وقدامنـا نـاسٍ بـعـد معتليـتـه
ياراكب اللي يطرب القلـب ممشـاه=جمسٍ جدبد ومن كراجـه شريتـه
تـوه علـي أول وارده وأشترينـاه=مكّمـل الاوصـاف يـوم أحتفيتـه
من شيشت السمران جيـك وعبـاه=ومغيـرآ زيـت المصانـع بزيتـه
يوم إندرج من عندنا كـن ممشـاه=ممشـأ هنوفـآ خلهـا محتريتـه
يوم أنتحا كـن الطواريـق تشعـاه=ولافراقـيـن القـطـا محتديـتـه
روح يغانـج سايـقـه ويتـحـداه=يشدى طخافـآ والهـواء مقتفيتـه
سواقه اللـي بالدرقسـون يقـداه=دليـل ظلمـاء بالغـداري صنيتـه
يذكر تحـدر حـط لينـه بيسـراه=يضرب علي الشعبه حـراوٍ هقيتـه
وأشمل علي خط الانابيـب مجـراه=عانآ لابن نفجـان منصـاه بيتـه
لياء دار فنجال الضحاء عقب مسراه=فنجال مع كبـش المربـي لقيتـه
مدولـه المكتـوب ليـن يتـمـلاه=أبيات من صافي ضميـري نقيتـه
كـلٍ رقـد متهنـي النـوم بغطـاه=وأنا منامـي مـن سببكـم جفيتـه
حيثك بقلبي لـك محبـه وملجـاه=وحيات من يحيي العظـام الفتيتـه
خطك علي روؤس الاوادم حملنـاه=وروحي بروحك يالسنافـي فديتـه
خـطٍ لغيـري ماحنـا صدفـنـاه=دارت بـه الافـلاك ليـن أمتليتـه
دارت بـه الافـلاك ليـن أمتلينـاه=ياليـت يافـرز الوغـأ مالقيـتـه
العين هلت عبرت الدمع مـن مـاه=واللي بكى يعقـوب قبلـي بكيتـه
والماقف اللـي تذكـره مانسينـاه=وحيات جـلاب المطـر مانسيتـه
عندي خبر ماصـار لوماحضرنـاه=ماقـف وفـاء ماينجحدلونفيـتـه
واللي عليك رأسه علي الربع مثناه=ومن غاب عن عنزه لقـأ مالقيتـه
أحدٍ زعل وأحدٍ منـع مـاه بلـزاه=دوك بن عايض شالعن طنب بيتـه
حصـل قضايـا عندنـا ماحسبنـاه=ولو عندنا للغيـب علمـآ حسيتـه
وماقل دل وزبـدت الهـرج معنـاه=وخطي علي مضمون خكل حويتـه
وصلاة ربـي كـل ماحـل طريـاه=علـي نبيـآ للشفاعـه رجيـتـه

وبعد وصول رد الشاعر ناهس بن مطلق الظاهري ردعليه الشاعر لافي بن
نفجان بهذه القصيده حيث أخلف القافيه نظرآ للتكرارالذي سوف يحصـل بـيـنـهـمـا.
يقول الشاعر لافي

بأ سم عظيمآ كون الكون وأنشـاه=عفـوه عظيـم ولاتحمـل عذابـه
الوحـد اللـي كـل خلقـه ترجـاه=منزل هماليل المطر مـن سحابـه
أجاب يونس بالبحـر يـوم نـاداه=ومن بطن حوته طلعـه وأعتنابـه
وذنون من بلـواه شافـاه وأعفـاه=وعقل علي يعقوب يوسف وجابـه
قرّت عيونه فيـه حبيبـه ورويـاه=ونصرنبيه فـي بـدر والصحابـه
وبعـده بديـت بردخـطٍ قريـنـاه=نبي نجـاوب كـل جابـه بجابـه
قم يانديبـي فـوق جمـسٍ نقينـاه=مصـرح لـه مايدقـق إحسـابـه
عبارتيـن وكامـلاتـن مـزايـاه=أخرمديـل أسليتـه فـوق بـابـه
لياء أنطلق مع خايعن كـن حليـاه=صاروخ جـوي وجهـوه الرقابـه
أشـر إنبيـره ليـن حـددزوايـاه=ضحـاه صافـي مابجـوه ضبابـه
مشأ من رفحاء خالق الكون يقـداه=فوقه شجاعـآ كـل دربٍ مشابـه
شايب وشيبه مـن زمانـه تحـداه=جرب وجرب كـل وقتـن ومابـه
الدرب واضح حـط لينـه بيمنـاه=بعد مـن الممتـاز غلـق شرابـه
من الشمال بخط ناهـس وعجنـاه=متوجهآ لأهـل الوفـاء والنجابـه
خوالـي اللـي يـوم دورالملاقـاه=كم فرقـوا بالكـون لابـه ولابـه
يوم الشجاعه حقهم مـن تهقـواه=يكـره ملاقاهـم وكــلٍ يهـابـه
وكلٍ زعلهم في هاك الوقت يـدراه=أهل كرم وأحـرار وأسـود غابـه
وأهل شرف وأهل مواقف وأهل جاه=عزاز النفـوس وللغـداري أذيابـه
وأعود للمندوب وأشـرح سجايـاه=حلحيـل مارافـق طيورالخيـابـه
صميدعـي عـزّام مابـه مـراواه=ولاخيّـب اللـي كلفـه وأعتزابـه
الظهر بمدرج وصـل مـن تنصـاه=عانآ لشغمومـآ وصلنـي إكتابـه
ناهس لياء وصله وقـف ماتعـداه=لياء جاله الناصي كلامـه هلابـه
ريف النشاما وريف ضيفه ومن جاه=يفداه من حاش الرداء فـي شبابـه
خطه وصلني عالج القلب وأشقـاه=معذور يالـي تـو قولـي درابـه
عقب البطا والياس جاني أمفاجـاه=خط الرفيق اللـي عزيـزٍ جنابـه
ردالوفـاء راع الوفـاء لاعدمنـاه=وغير الوفاء بينـي وبينـه قرابـه
عالج خفوقي من صوابه وشافـاه=خفوقي اللي مبطيـن بـه صوابـه
ولولاء وصوله يأهل العرف لـولاه=ان كان جرحي مايطيـب ألتهابـه
لاشك شاقتنـي إبيوتـن أمصفـاه=مثل الذهب صافي عن اللي يعابـه
أزال عن فكـري أهمومـآ تـدالاه=وأستانس المشغول ساعت قرابـه
يامرحبأ مـن هاجـسٍ زاد سلـواه=وعداد من طاف الحرف واستعابـه
وعداد من هلـل وسبّـح لمـولاه=في مرسل المكتوب واللـي لفابـه
ياناهس المطلـق جوابـك فهمنـاه=بعـد وصلنـا وأمتلينـا جـوابـه
خطك علي عيني وراسـي رفعنـاه=يامن علي الطولات فازت أركابـه
مشكـور يالـي فعلنـا ماتناسـاه=ماينكرالمعـروف كـود القـلابـه
حيثك نجيب وتفهم العلـم وأقصـاه=صافي وفكرك يابن الاشراف نابـه
ذكرت ميقافن قليـلٍ مـن أطـراه=وقته علينـا مـع رجالـه غدابـه
ولو كل مخلوقـآ يبـرق بعوجـاه=ماصـار بيـن القرابـه إطـلابـه
وهذا زمانـآ عـم ناسـه بلـواه=فيه الهـول يامسنـدي والغرابـه
دورٍ بجوره خضّـع الذيـب للشـاه=وأبوحقب والحـر الاشقـر تشابـه
يامن علي المعروف تسبق مطايـاه=مـن صدعنـي ماهبابـي هبابـه
وأرضٍ بها منّـه لعلمـك عزفنـاه=لوينقلب صوغ الذهب مـن ترابـه
نفسي عزيزه منبر المجـد تعـلاه=ولاأخضع لغير اللي برجـوا ثوابـه
وأسمع سلمت وكل فايـت تركنـاه=وجـاك السـلام وبلغـه بالنيابـه
وصلوا علي اللي بين الحق ماأخفاه=اللي عليـه الـرب نـزل إكتابـه