قصيده بمناسبة سلامة سيدي سلطان

اكبر فخر لدار هو مهبط الدين=واكبر فخر يانفس عيشتك بالدار
والرجل ماهو شي من دون شيين=الدين ثم الدار تحفظ له الكار
الدار بعد الدين هي قرة العين=الدارماتنباع لوصار ماصار
الدار هذي دار صفوى النبيين=دار الصحابه عزة الدين الابرار
دار السعود الحاكمين السلاطين=دار انجبت من يحمي الدين ويغار
سلطان راع العز سقم المعادين=كل القلوب بغيبته وسطها نار
ماغاب لحظه عن قلوب المحبين= لوغاب عن دار الكرامه والانظار
ياسيدي شعبك ترى حيل ضامين=وجيتك تروي هالظمى كنها امطار
ياكافل الايتام لوهم بعيدين=فديتهم بالمال مع عطفك الحار
يشهد لك العالم وتشهد فلسطين=دعمتهم وامرت باعادة اعمار
هذا ولاننسى ضعاف المساجين=من بعد عفوك كلهم صارو احرار
ودعمت من فضل الاله المعاقين=وانفقت ماتبغى مديحن ولا ابذار
ولوجيت اعد فعولك اللي بشهرين=والله لتلقاها على حد مليار

الشاعر/ عبدالكريم سعود المخلفي الحربي