رثـاء محمد عبدالله العسيلي

محمد عبدالله العسيلي المرواني رحمه الله صاحب اخلاق عاليه وكرم وشاعر
ومحب للخير له خوة مميزه عايشته فوجدته نعم الرجل في كلامه وشعره وتصرفه
لما توفى حزنت وبكيت وبهذه الابيالمتواضعه رثيته
ــــــــــــــــــــــــــــــــــــــــــــــــــ ـــــــــــــــــــــــــــــــــــــ

الله من قلب عليل ومنصاب = شي قديم وجاه علم يزيده
نجم لمع في حرب عقب ارتفع غاب = غيبة مودع ّوالليالي مديده
هذا المقدر والمقدر له اسباب = وانا اشهد انك يالعسيلي فقيده
فقيدة على القبيله والاصحاب = وحتى الوطن يبكي لفقدك صعيده
فيك الوفا والجود للعز طلاب = وسيرتك في كل المواقف حميده
الله عطاك من افضل الوصف ماطاب= والعلم والحكمه مع اريا سديده
لانته بفحّاش ولانته بسباب = على النقا واضح سليم العقيده
بشوش متواضع كثير الترحاب = والمجتمع من فيض علمك تفيده
مواقفك بالصلح واعتاق الارقاب= كل عرفها والمفاوض تجيده
لكن عن المكتوب ماتفيد الاطباب = الله بحكمه فاعل ما يريده
يالله ياللي من ترجّاك ماخاب = يامبدل الدنيابحال سعيده
يامعطي الجنه ويا رب الارباب = ادعوك باسماك العظام العديده
تكتب له الجنه بلا عقاب وحساب= وتنجيه من حر اللهيب الوقيده

ابو خالد الفريدي
صح لسانك ورحم الله العسيلي

الاخ ابو خالد انت رجال وفي وهذا من طيب معدنك عبد الله العسيلي الله يرحمه يستاهل منك القصيده الجزله الله يبيض وجهك ويرحم شاعرنا عبدالله العسيلي

بيض الله وجهك يابو خالد على هذه القصيدة الجزلة في رثى الشاعر والأديب
محمد العسيلي الله يغفرله ويرحمه هو وعامة المسلمين شكرا لك يابو خالد :

صح الله لسانك الله يرحم محمد العسيلي

طلال العمري
سعد المحمدي
نافع الحربي
الفرسني
لكم جميعا تحياتي وتقديري شكرا على الزياره العطره

الله يرحم الشاعر محمد العسيلي ويرحم امات المسلمين

صح اللسانك وبيض الله وجهك يابو خالد ماهو غريب عليك الوفاء

ياراع الوفاء

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك