محاوره لجميع الشعراء

بيض الله وجيهكم وصح الله السنتكم
ومشاركه على السريع يالغالين

ياعساكم كلكم بالخير دايم تذكرون=وكل مجهوداتكم تبقى شواهد تثمري
تنفع المهتم ويضاً تنفع اللي ينظرون=والشكر لله ثم الشخص جهده يشكري

ياجماعة لفة الأيام واللفة سريعة=أقبل الشهر الفضيل وكل أبونا نحتريه
الحصيل اللي يخسِّر قبل ما يبدأ نبيعه=وإن توفَّقنا وصمنا ما نعوِّد نشتريه

يهتني به من يصوم و يجتهد بقيامه= الله انه يقبله من كل مسلم ثابر
لا بديت بيوم يا مسرع مرور ايامه=بس في فضله تميّز و المثابر خابر

برمجات جمعوها لتلهي المسلم قيامه=غاويات ن سافرات ن كاشفات ن السراير
ياعسى المسلم يناصح كل من جرح صيامه=وياعسى الله يهدي اللي في الغواية صار يكابر

برّكوا عوص النجايب يا أهل الملتقى ذا الليله= و ادعوا الله يقبل صيامنا في وقت حرِّه زايد
كل منا يحتسب في الصيام ويبعد التظليله= عن عيونه و يتلمّس قبول من الكريم الجايد

هل شعبان وبعده يهل شهر ن للفضيله=الحظيظ اللي يُسجَل اسمُه لله عابد
في صيامه وفي قيامه صحة ن لنفس ن عليله=ياهني اللي رصيده من الفضيله في تزايد