يا حروف الشعر بالخط السماوي

يا حروف الشعر بالخط السماوي

يا حروف الشعر بالخط السماوي = ارحمن قلبٍ هواجيسه تلوفه
لوف غصنٍ من لهيب الشمس ذاوي = باوّل الكنّة يعاني من احفوفه
يا وجودي يوم حيلتنا المناوي = زاهيٍ به من بديع الصنع نوفه
كنه اللي له ثمان أيام طاوي = أشهب ما طب حلو الزاد جوفه
مثل حرٍ بالسماء للأرض هاوي = أشقر موت الحباري من كفوفه
لا رجس بين الضلوع الذيب عاوي = والضمير الحي هاجوسه يحوفه
قلت شيلوا عزبتي تراي ناوي = مهملٍ قفرٍ ولو دونه كلوفه
ثم سرّيته وثلث الليل ضاوي = حالفٍ قبل الضحى محدٍ يطوفه
عارفٍ ساعة صباحه بالحراوي = اخضرٍ غضٍّ مزاهيرٍ قطوفه
وخويايه من بعيدين الهقاوي = يستحقون الثناء عقب النكوفة
من رجال العز صلفين العزاوي = والنفوس خفاف بالطيب امعسوفة
ياحلو ريح النفل والعشب راوي = من سحابٍ لاح برقه في اقنوفه
الهواية سيّرت رجل المهاوي = لا ومرها القلب سارت في حروفه
انصح اللي للتعب والسير قاوي = لا يفوته مرتعٍ تطرب صنوفه
منزلٍ قفرٍ بعيد الدار داوي = من طراة العمر ريفٍ من ريوفه

نافع الحربي

صح لسانك وبيص الله وجهك
قصيده جزله من شاعر جزل
اسجل اعجابي بها وتقديري لشخصك الكريم
تحياتي

	المشاركة الأصلية كتبت بواسطة ابو عادل

	صح لسانك وبيص الله وجهك قصيده جزله من شاعر جزل اسجل اعجابي بها وتقديري لشخصك الكريم تحياتي

أبو عادل صح بدنك شكرا لك
يسعدني ويشرفني مرورك لاهنت

صح لسآنك يآنآفع..
وبيض الله وجهك..

من رجال العز صلفيـن العـزاوي=والنفوس خفاف بالطيب امعسوفـة


ابدآع..
قصيدهـ رآئعة بروعة كآتبهآ..
ودي..

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسسسسسسسسسسسسسانك وبيض الله وجهك

لك خالص التقدير يامبدع

	المشاركة الأصلية كتبت بواسطة العبيدي

	صح لسآنك يآنآفع.. وبيض الله وجهك.. من رجال العز صلفيـن العـزاوي=والنفوس خفاف بالطيب امعسوفـة ابدآع.. قصيدهـ رآئعة بروعة كآتبهآ.. ودي..

أخي العبيدي وجهك ابيض
شرفني مرورك لاهنت

	المشاركة الأصلية كتبت بواسطة ابومشعاب الحربي

	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

هلا بك يابو مشعاب الحربي \
شكرا لك يشرفني مرورك لاهنت

	المشاركة الأصلية كتبت بواسطة فواز الزويهري

	صح لسسسسسسسسسسسسسانك وبيض الله وجهك لك خالص التقدير يامبدع

هلابك يافواز الزويهري أشكرك
شرفني مرورك لاهنت

شاعرنا الجزل نافع الحربي
صح لسانك مدد بلا عدد على
هالدرر الثمينه بيض الله وجهك
جزاله ابداع وكل ماتكتب رائع ومميز