من يقول........

مـن يقـول ان المحبـه باللغـات وباللهوج=قلت هذا جاهـلٍ بالحـب عمـره ماعشـق
ومن يقول الحب في نظم المشاعربالهـروج=كم حبيـبٍ قـال احبـك للمحـب ولاصـدق
المحبه الصادقـه مابيـن الاثنينـه تحـوج=الصراحـه والامانـه والصداقـه بالـوثـق
والمحبه بابهـا مدخـال ممنـوع الخـروج=ولاخبرت احدٍ دخل مـع بابهـا ثـم انعتـق
المحبه بحرهـا غـادر وعاصـف بالثلـوج=من يعوم البحـر قولولـه مصيـرك للغـرق
ولا انا ماباقي الا اكتـب مواضيـع ونهـوج=فالهوى والحب واحـوال المحبـه والسـرق
سارق قلوب الهوى بالزين يولج به ولـوج=وان تمكن منه يامشكى علـى الله انصفـق
ولو تسوي ماتسوي لـو تكثـر بالرهـوج=كل ماصكيت باب يفك لـك عشـره طـوق
والهوى صعبه دروبه كلبوهـا دروب عـوج=لو يروح الحب راع الحب دايـم فـي قلـق
ولا حسبت ان النظر يهتال بالقلب ويهـوج=لين شفت عيون من هو برمش عينه مارفق
جات عيني في عيونه من ورى عشرين فوج=وكن سهم الموت مع رمشة عيونـه انطلـق
رمشةٍ تخسف بقلبي نوب تعرجبـه عـروج=وابتلتني واهلكتنـي وهـام قلبـي واحتـرق
ولا يفيد ان مجت ولا بعد ناظرني ماامـوج=نظرتٍ راحت بروحي غيـر خلاقـي شفـق
وتوبتني عن هوايه وغيبـت كـل البـروج=للفؤاد اللـي هـوى وللسـان اللـي نطـق
وحالفٍ ماعاد اناظـر فالزهـور وفالمـروج=ولا ابي فوح الورود ولا ابي طعـم الـورق
والحقيقه والصراحه من يبي حكي النضـوج=للسعـاده حـب فالله وللنـكـاده ماسـبـق