( لزياد واجبنا نزف التهاني)

/
/
/
/
/
/
/
/
/
/
اخواني الاعزاء
هذه القصيده
هي اهداء لكل حربي
بعد فوزالشاعر الكبير/
زياد بن حجاب بن نحيت الحربي
بلقب( شاعر المليون)
وقد كنت من اوائل المتفائلين بفوره
مع الاحترام والتقدير لكل الشعراء
الذين شاركوا بالمسابقه
ونعم فيهم وفي قبائلهم

سر ياقلم كاتب كـلام ٍ نقولـه=من هاجسي يقراه قاصي وداني
في وصفنا للعز باطيب حمولـه=ترجم بخط الحبر نطق اللساني
اللعزوه اللي ذكرها بالرجولـه=مضرب مثل يبقى مدار الزماني
ولو ندوج الكون عرضه وطوله=مابه مثل ربعي ولا ضن كانـي
اهل الفعول وكل صعب ٍ تطوله=عاداتهم بالوقت كسب الرهاني
وياللي على ماقلت زايد ذهوله=عندي دليـل مثبتـه بالبيانـي
يوم اعلنوا للشعر صوله وجوله=ثم حددوا وقته بـذاك المكانـي
ميدان فيه الشعر كثرة خيولـه=فابو ضبي قامت حروب المعاني
من عندنا منعور جاب البطوله=نجمه سطع كنه سهيل اليمانـي
حيوا معي ياربعنـا صفقولـه=لزياد واجبنـا نـزف التهانـي
يابن نحيت اللي تشرف فعولـه=ظفرت ياراع العلوم السمانـي
حربي وفي ومعرب ٍ في اصوله=رفيع شان وزدت رفعه وشاني
انته سفير الشعر مثلت دولـه=مامثلها في عدلهـا والامانـي
وكله بفضل اللي تبعنا رسولـه=منزل كتابه في ليال ارمضانـي

الشاعر/ خالد بن عبيد بن معتوق ألأحمدي

صح لسانك يالحمدي
رواائع يالذيب
وبيض الله وجهك
لك مني خالـــ الود والتقدير ـــــص


العبيدي .!!

يصح لسانك يالشاعر

ولاهنت على هالشامخه

إحترااامي’,,

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اخوي / العبيدي
صح بدنك يالذيب

صح لسانك
..
..
أسجل اعجابي بالقصيدة
..
ويعطيك العافيه ..