ديوان الشاعر قابل البشري

نبض الوجود=
اركِد وخليك في حالـك=وقابل الطيـب بالاحسـان
وان ماكفاك الذي جالك=بتشـوف ماشافـه البلـطـان
الجمل=
اسمع نصيحـة تبقالـك=من بعدها سم بالرحمـن
ان عدت فالقول عدنالك=لكن تعوذ من الشيطـان
نبض الوجود=
حيـاك وآنـا علـى جالـك=يامرحبـا فـارس الفرسـان
ان جـيــت والاتـعـنـالـك=ونشوف ومابيننا الميدان
الجمل=
وفيـت والطيبـة فالـك=وعسى البقا يارفيع الشان
حنا نجي لـك ونسعالـك=وفالمعركة يظهر الشجعان
نبض الوجود=
يـاقـابـل الـبـشـر آنــــا لــــك=شهر سلاحك ووقتك حان
قـدامـهـا قــلّــب احــوالــك=اكتب وصيتـك عمـرك فـان
الجمل=
يابنت قدامـك ابطالـك=كفنتهم كلهـم باكفـان
بس ارجعي بيت رجالك=ولارمالك ثلاث ايمـان
نبض الوجود=
اخطيت فـي قـرع فنجالـك=واتلخبطـت عنـدك الالـوان
البنـت بـاربـع مــن امثـالـك=والا انت واحد من الشيبان
الجمل=
وضحى ولوطالـت اطوالـك=حكمك تحت سيف بن عجلان
ومن أمس حنـا حفرنالـك=يالابس الكعـب والفستـان
ووقعـت فـي شرأعمالـك=يازارع السـوء والبهتـان
مانـي تـرا صيدلاشكالـك=ولاني مجاريـك فالسفهـان
نبض الوجود=
شيـطـانـك يـزيــن افـعـالــك=غــــــرك ووداك لـلــخــســران
والـحـظ حـطـك ولاشـالــك=من يوم حرفـك لعينـي بـان
مـانـي مــن الـلـي تـوقـالـك=ولا حسـب لـك ولا حسـبـان
انصحك تعْدِل عن اقوالك=والا احتـمـل كـيـة الـنـيـران
الجمل=
ضيعت عمـك علـى خالـك=اصبحت ترمي على الطيشان
انـا الجمـل كبـك خبالـكج=طيبي مـورث مـن الجـدان
امشي على المنهـج السالـك=ولااتابع العيـب والنقصـان
واللي تهمـزا الجمـل هالـك=ماتلحقـه شرهـة الشرهـان