* مواعيـد الغرام *

*


*

.. سراديب المكان اللي بدت وأنهت زمان الخير=توّلم سيفها البتّار ينحر ما بقى فيني
.. جمعت القاف وأطرحت القصايد و القصايد غير=توالت والدموع الزرق تهمل من وسط عيني
.. على نغم البكى يمشي و لا يستهون التفكير=يمينه تعبث بنبض الغلا ما بينك وبيني
.. ألا ليتك عدمت الروح شنقاً دون ما تبرير=و لا تبكي على قتلي لأن القرب يحييني
.. عذابك من عذابي والعذاب ألوان وأنت صغير=خذاك الوقت في مهد ٍ نشيده فرحة سنيني
.. تكسّر غصني اليابس و إذا جف الخفوق تصير=مواعيد الغرام سكات و الساعه تبكيني
.. و أنا مالي سوى حبك إذا يكتب لك التقصير=أمانه حطني ضمن الحدود و لا تعديني
.. خفوقي هو خفوقي و الفؤاد أوفى من أطهر طير=سرى بي للفضاء الثامن و حبك جاثي ٍ فيني
.. أبهرب منك لعيون الشقا يسعد مساء التحرير=شقت روحي شقا عمر الشقا و انته مخليني

دُمتم بود
شرّد آلغيم [ شموخ الحربي ].