ديوان الأشجان في لحن الدان ( فواز الزويهري ) .:،’,,.:،,.:،,.:،,.:،,.:،,.

فواز الزويهري=
سلام وبعد السلام حمـول=وأنت جمل والجمل صابـر
والحرف من فكرتي مرسول=وأكيد حرفي بكـم ضافـر
قابل=
يامرحبا هات علمك قول=حتى نصدرلك الصـادر
والحرف لاصار له مدلول=تلقى الجمل بالوفا حاضر
فواز الزويهري=
الود في خاطـره منقـول=والحال يصعب على الناشر
لاخالف الساير المعقـول=كيف ارشده والمدى قاصر
قابل=
الود رحلة مع المجهول=تحتاج صنديد ومغامـر
واللي حسبها كثير تطول=وحكايته مالهـا آخر
فواز الزويهري=
تراك ياصاحبي مسـؤول=مادمت بالشور لي شاير
جرعني الود في محلول=وأنت مجرب هوى الطاير
قابل=
الله خلق للعباد عقـول=وعقلك يقديـك ياسايـر
وان كنت لساع فالهندول=ابعد عن الود ياشاطـر
فواز الزويهري=
ماكنت ياصاحبي مخبول=مير الهوى أخلفك يالواكر
ماعاد قولك لنا مقبـول=بركت واللي مضى عابر
قابل=
مااشكي من الود يامعلول=ولاتقدر الصوم يافاطـر
وان ماتعدلت يامهبـول=سكيننا تعـرف الناحـر ---
فواز الزويهري=
ماتضرني كلمة البهلول=مذيوع علمك وله ناظر
سكين بذراعك المشلول=ماتقسم الكيك يالغابـر
قابل=
لوكنت فاهم وولد اصول=ما ترمي الناس بالظاهر
وشعيل مارده المخيول=ولاحط طوقان فالخاطر
فواز الزويهري=
مثبوت قولي على المحصول=وأنـا علـى البينـة قـادر
والثوب لا تلبسـه مهلـول=ألبس على القن لا تجاكـر
وأنـــــكـــــســـر اللحـــــن=