والشكاوي عند بعض الخلق سوله

هذي قصيده لها مناسبه وانا بالمقناص
رجل سئلني عن طير ظايع منه وهو بشكل الاستهزا وانا ماعرفه
وهو يجوز انه عرفني
لانه قال بيتين اوثلاثه
ياهل الحفر قومومعايه بجوله=دورو طيري ترا نفسي غبنها
قوم يالعملاق ياولد الحموله= ا0000000000000000000
الي اخر بيوته
ولكني اجبته بهذي الابيات

المنادي يسمعه مـن كـان حولـه=والاوادم يارجـل تومـر وتنـهـا
وانت رجلٍٍ للخطـا نفسـك ميولـه=وقبل هاذي ذيـك ماسـدد ثمنهـا
والشكاوي عند بعض الخلق سوله=سولةٍ بانت وسـادت فـي زمنهـا
كان طيرك ضيعته فيـك معمولـه=يعلـم الله علـم مانقـف بجهنهـا
وكان طيرك ضيعته من ضيق جوله=لاتسب اللي جبـر عظمـك لبنهـا
مار مابـه فـي يديـك الا نقولـه=والحمامـه مـن بعدهـا مايامنهـا
فكـه الله مـن رباطـه لا يغولـه=وانطلق في ساعهٍ وين أنت عنهـا
تحسب ان الفارسـي لادار حولـه=مثل ذيك اللي تزغرت في لحنهـا
جازل الموضوع لا ترجـي حلولـه=هيه يالشاحن تراك بـراس منهـا
جاك ردي واستلـم منـي عمولـه=من جنيهـاتٍٍ لهالوقـت نخزنهـا
بيني وبينك على كـاس البطولـه=انتزعهـا كلهـا ملـيـت منـهـا
من وجيهٍ مثـل ماقيـل مغسولـه=ضيّعـو كـل الحيـاه ومتزنـهـا
عهدنـا بأفكارهـم يـوم الطفولـه=يوم من مر الشـراره مـا دفنهـا
منهم اللي سب لـه رجّـال دولـه=من صواريم الحرار وديـر عنهـا
فيه دين وصدق وإلهـام ورجولـه=وسفرةٍٍ ترمى الذبايح في صحنهـا
طيع شوري واحتفظ علـمٍ نقولـه=لانوريـه الجنـازه فـي كفنـهـا

غازي مغيران الزغيبي