قصيدة مــــــدح

هذي القصيدة مهداه من الشاعر فيصل فهيد المطيري الى محافظ محافظة الحناكية محمد ابن عبدالله آل رداس الحربي .

سر ياقلم واكتب بيوت(ن) جزيله= من خاطرن قامت تشيله نواياه
لاصار عندك حاجة(ن) مستحيله= ودك على شيئ(ن) ولا انته بوياه
دور لها أميرن يحوش الجميله = شيخ (ن) علامات الوفاء في محياه
يمناه في كل المراجل طويله= يشيل حمل(ن) ماتشيله مطاياه
الطيب كايد بالامور الثقيله=مايدركه الا أهل الطيب والجاه
الناس واجد مير وش ندعيله= اعرف مواكير الحرار المسماه
من غير قاصر في شيوخ القبيلة=سلم على محمد زبون المخلاه
محمد حفيد متعبين الاصيله=محمد ابن رداس لاجيت تلقاه
شيخ(ن) كبير ولا يبيله دليله= مثل الجدي من بين ذولا وذولاه
بيته مناعير النشاما تجيله= وانا ومثلي لااعجزه شي ينصاه
مااقول فيه الا الخصال النبيله= ريف الضعيف وفيه شرن على اعداه
عوق السمين ام الشحوم الجليله= وعلى الجمر دايم دلاله مراكاه
يزهى المدح والطيبة تستويله= راعي نسب والطيب ورث(ن) من اباه
وقصايدن في أبوه ماهي قليله= غنو به الشعار والصدق منجاه
الناس تعرف كل شيخ وحصيله= ولولا الوفاء كل الاوادم مساواه
وانتم هل الوقفات واهل النفيله= زبنت ابن رداس من طيب مجناه
من لابة(ن) تروي السيوف الصقيله= ترعى الخطر لازان نبته ومرعاه
ترعى بهم وضحى شناحن طويله=يوم الزمان اللي تعاوى ضراياه
واليوم في ظل الجبال المهيله= امن وخير كاثراتن مزاياه
ليا مشى الطرقي ماينقل صميله=وحكمن عساه يدوم للناس بغناه
يامحمد الدنيا بها كل ميله= والعسكرية دونها شروط مآذاه
ماعاد عندي ياابيض الوجه حيله=وهداج جمه يبهج الورد من ماه
اسري مع الهوجاس في كل ليله=وهمن يزايمني على الله مشكاه
انخاك بعد الله شف لي وسيله= واللي فعل معروف مأ والله انساه
واطلب من المعبود بكرة وأصيله=وان ماجزيته والي العرش يجزاه
وصلاة ربي عد وبل المخيله= على النبي باول كلامي وباتلاه

وسلامتكم

بيض الله وجهك ويستاهل ابن رداس ما قلته فيه



صح السانك وبيض الله وجهك على القصيده التي في رجل يستاهل المدح

صح لسانك يافيصل بن فهيد المطيري لاهنت ويستاهل الاستاذ محمد بن عبدالله الرداس والمرجله ماهي
غريبه على اللي مثله والرداء ماله عليه طريق من الصوبين دام عروقه بين شبيب بن رداس ونافع بن فضليه وهذا الظن به
وكل جزل مثله وشرواه ترد عليه المشاريه للجميع وهذا واجب عليه وهو من اهلها ورد الثناء واجب بيض الله وجهك ياولد حمران النواظر

صح لسانك يافيصل بن فهيد المطيري لاهنت ويستاهل الاستاذ محمد بن عبدالله الرداس والمرجله ماهي
غريبه على اللي مثله والرداء ماله عليه طريق من الصوبين دام عروقه بين شبيب بن رداس ونافع بن فضليه وهذا الظن به
وكل جزل مثله وشرواه ترد عليه المشاريه للجميع وهذا واجب عليه وهو من اهلها ورد الثناء واجب بيض الله وجهك ياولد حمران النواظر

صح لسانك مليون على القصيده وهلاوغلا فيك
والله يـعـطـيـك الـعـافيـــــــــــة
بيض الله وجهك

لاهنت وصح السانك

تقبل التقدير والاحترام

وفقك الله

تشكرون يااخواني واخواتي على مروركم الذي عطر متصفحي
وشكرا
واعتذر عن التاخير والله لايهينكم

صح لسانك يابن فهيد وماعليك زود يالذيب ..


ومحمد بن رداس هو ابن الشيخ الاديب الشهير عبدالله بن رداس العلوي الحربي

يستاهل الثنا سليل مجد كابر عن كابر ..




ومثلك يالمطيري يستاهل الثناء يابن حمران النواظر ونعم والله من الحره للمجره ....

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..