( إلى الشاعر القدير /عيسى العوفي)

/
/
/
/
/
/
/
/
/
/
/
/
اخوي عيسى العوفي
اليك
مع التحيه
هذه الابيات والتي كتبتها بعد صلاة الفجر
اتمنى ان تنال إجابك وإعجاب الاخوان

خط القلم قافي على طرق مسحوب=يحمل تحيه صادقه من ضميري
مثل العسل لامن جنيناه من نوب=تاصلك مني وافيه يانصيري
يالشاعر اللي من رجاجيل محسوب=من لابة ٍ تفزع تفك الاسيري
القلب مني يابن الاجواد مسلوب=مع واحد ٍ ليته قبلني عشيري
طلبت قربه مير ماهو بمكتوب=وانا بعد فرقاه حالي خطيري
حلو ٍ مترّف داعج عيون رعبوب=ضاري على لبس الذهب والحريري
مايعرف البيدا ولا تاه بدروب=يموت لو بالقيض رجله تسيري
مايعرف البراد شاهيه بالكوب= ماياكل الا بيض مقلي وكيري
لبسه تنوع كل ساعه وله ثوب=ليت القدر يجبره يسكن قصيري
في حاجته مخدوم ماهو بمتعوب=ولا واجهه بالوقت ضرف ٍ عسيري
ماهو بمثلي من عنا الوقت مغلوب=واتابع الونات وازفر زفيري
والله ياعيسى عن الزين ماتوب=ياليت منهو في حياته خشيري
وانته صقر شيهان مافيه عذروب=لولا الجناح وهقوته مايطيري
ولجلي اعدك شخص غالي ومحبوب=ارضى بما تحكم علي وتشيري

الشاعر/ خالد بن عبيد بن معتوق ألأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يانقي



وافيه وأنت وافي




لاعدمنا حضورك المشرق

	صح الله لسانك ولاهنت وسلم فكرك وبنانك دمت برعاية الله وحفظة

مشكووووووووووووووور
اخوي
الحب الباقي

اخوي فيصل حمود الوافي
مشكوووووووووووووووووور
ورايك على راسي

مشكور
اخوي ابن فرهود

صح لساانك

يالغااالي

وانت راع الطيبه ولاعليك زود

وآكرر آسف لك بتأخير الرد لانني لم اطلع على القصيده الا اليوم

وسوف ارد عليك قريبا باذن الله

صح لسانك وبيض الله وجهك وسلم فكرك والله يحقق مرادك
تقبل مروري
لك كل التقدير

الاخ الغالي
الشاعر صقرالمراقيب

اقدم لك اعتذاري بتاخير الرد وذلك لعدم علمي بقصيدتك
والتي وجهتها لي وذالك بسبب قلة دخولي الملتقى لضروف خاصة
اليك هذه الابيات المتواضعه والتي لاتفي بالمقام......ارجوا قبول عذري لك

يامرحبا اعداد ماخط مكتوب=ترحيبة الصاحب صدوق الضميري
باللي للشعره نغم واشجان واعذوب=صيغة روائع مثل نسج الحريري
يشكي هواء ترف من البيض رعبوب=والحب تأثيره أليم خطيري
ياما وياما منه تايه ومسلوب=العقل واصبح للموده ضريري
حالي مثل حالك يالولا الحيا نوب=من البشر لابيح سري لغيري
في حبهن ياستاذ غلبان مغلوب=لوبكشف الاسرار حست المريري
اخفي بلاي بداخلي وابني الطوب=على المخازن سدها لايطيري
اكذب على عقلي ولوقلت ابا توب=اقراء اعترافاتي وعطها مديري
الحب مهما قيل مكروه مرغوب=وقعت فيه وعاد هذ مصيري
تبشريابن عمي ومطلبك ماجوب=علي لك فزعة رفيق وقصيري
مالي وجاهي فدوتك كل محسوب=وقفة محقٍ ماسمع للشويري