غنابها والناس راضي وزعلان ،،،

	المشاركة الأصلية كتبت بواسطة ورقان

	الليلة الليلة الطرقه بها صوت ذيب = الذيب يقنب على مرقابها ويعوي والليل يابو مشاري لا ورت القليب = اذهن من الذيب قدامك وخلك قوي

	المشاركة الأصلية كتبت بواسطة الشاره

	يعني تسمح لنا ودوبك تراي عليمي الذيب يقنب ولكن قدمه اليوم شيب=والشيب لاجاوبك تسمع لضلعك دوي وابا انتحي لي طريق(ن)صار امره غريب=مابه ذيابه ياكود الناس فيه تهوي

	المشاركة الأصلية كتبت بواسطة ورقان

	مرحبا فيك اخوي الشاره الله محييك وتشرفني محاورتك وانت شاعر كفو لكن الموال ماشفته وين راح؟ يالله انك تزين حضنا والنصيب = اليوم جالي خوي من عقب غاب الخوي رجال صامل وجده مثل خاله عريب = ماهو برجال لا روح خطير يغوي

	المشاركة الأصلية كتبت بواسطة الشاره

	احمد الله على ماجاك وانته تصيب=ولاغاب غير الذي يشوا المعاني شوي شفنا علوم(ن) تشوف الروس منها تشيب=ماضنتي تنفعل ياصحابنا من سوي

	المشاركة الأصلية كتبت بواسطة ورقان

	انا احمد الواحد اللي طالبه ما يخيب = ربنا ومن تعلق في رجاه اغنوي والزمن باتشوف به العجب والعجيب =وكم علم(ن) سرح مع صاحبه ماضوي

انا اتتطبب وقدمي بالجراحه طبيب=وان اشهد انك قليب وارده يرتوي
اقول فعلن لقيته ياعميلي يريب=ناس تنبش قبور وعودة تلتوي

وانا افتخر لا لقيت بطرقتي لي صحيب = الفكر فكر احضري والعزم عزم ابدوي
ان كان قصدك جعير الله يخلي عضيب = يموت ذاك العصيمي تحت رجل علوي

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح بدنك يابو نواف

والله يعافيك
مرورك تشريف طال عمرك

الغالي الشاره صح لسانك وبيض الله وجهك

والله انك وافي ولاقصرت يالطيب

واسعتني وشرفتني بمجراتك وردودك الجميله

بس وقتنا مختلف انا اجي بالليل وانت تجي بالنهار وانا الخميس والجمعة ماني متواجد

الختام عندك يالذيب ان حبيت

ولك كل الشكر والاحترام ولكل من شاركنا من الاخوان والمعذرة على القصور

ونلتقي في طاروق قادم ان شاء الله

	صح بدنك يالجــــــــــبل وصح لسانك وهذا من طيب اصلك لاعدمناك بعد بيتينك لا استطيع الرد وشاكر لك تقبلي ودخولي بدل شاعر طلبته والى طاروق نتعلم منك الكثير فيه

الشاعر ورقان والشاعر الشاره شكرا لكم جميعا واحد علا دعوته لي والاخر علا تسديده عني بالنيابه ودمتم بخير

هلا وغلا ابو مشاري
لم اتقدم والعب مع الجبل الا بعد ماعرفت من الاخوه انك لاتستطيع وان ورقان سمح بدخول اي عضو ونريد العذر منك ومنه

احـمـد الله عـلـى مـاجـاك وانـتــه تـصـيـب=ولاغاب غيـر الـذي يشـوا المعانـي شـوي

انا اشكرك فقط ولا اعاتبك لانه من واجبك تسد عني ومن واجبك تجيب الدعوه والف شكر يا غالي

الله الله ياورقان

والله الله يالشاره

ابداااااع رااااائع

صح الله السنتكم وبيض الله وجيهكم

تقبلوا تحياتي

ودمتم بخير