ديوان الشاعر محمد بن خيرالله الردادي

يـــاناس قلبي بين الأضلاع مرتاج.=صبري عليه اليوم مــاهو صريا
القلب زوع والفكر صــار لــجـــاج=مـــاغير اهيجن والخفا نار ضيـا
غديت انــا مابين صاحي وهرباج=مــــاعاد اميز بين صايب وغـيـا
ياقلب وين ألقى لك اليوم مخراج=مـــاعاد يبغى غيره الـيـوم حـيــا
محتاج له في دنيتي حيل محتاج= داخل عليك ارفق بحالي شويــــا

هذه الأبيات للأخ فــــ الوغى ــرز

ومجاراه مني لها

هذا الرد

انشهد ان القاف في داخلك هاج=يعنـي طموحـك متجـه للعليـا
تريد تمشي فوق سكه ومنهـاج=تنقلك مابيـن السمـاء والثريـا
حتى تجيب الدر من فوق الأبراج=ولا تجيب مـن الجواهـر حليـا
انشهد انك شاعر(ن) منت هراج=ياليت من يبـدا القصايـد كذيـا
يعني تغوص البحر متهمك امواج=غوص البحر نبغا نشوفك هنيـا

السلام عليكم ورحمة الله وبركاته
؟
؟
؟
؟
؟
على عجل كتبت هذه الأبيات المتواضعه
اتمنى ان تلامس شي من شاعريتكم
مع منياتي للجميع التوفيق

ياصاحبي ماهـو محـل الطلايـب=هذا محـل زاخـراً(ن) بزدهـاره
الكل يحسب له حسـاب القرايـب=ماهو محل امنـازع الكـل غـاره
وان كان مخطي انت خليك صايب=امسك طريق مثبتيـن الحضـاره
ماهو ضروري منك هب اللهايـب=والنار تاصـل للموالـي وجـاره
ارجوك خلك في عليـا الطلايـب=لاتعيب(ن) ربعك برمي الشـراره
لافايده تجنـي ولا مـن سبايـب=خلك بمقدارك وهـو فـي وقـاره
خل الخلاف يروح روح الذهايـب=وتنزهـوا حتـى بلفـظ العبـاره
وترى عدانـا ودهـم بالمصايـب=والمشكله تحسب لهـم كالبشـاره
ومايسرنا مانسمعه مـن شوايـب=لابد مخطي نوب ويصيـب تـاره
ومن ماتحمل واحتمـل للكرايـب=لانافع(ن) نفسـه ولاجـاب ثـاره
وترى الذهب ينقش وهو حيل ذايب=ويزيد في صهره جمـال ونظـاره
خلاص خلونـا حبايـب حبايـب=والملتقـى للكـل تكفـي ثمـاره

وتقبلوا تحياتي

السلام عليكم ورحمة الله وبركاته

؟
؟
؟

محاوله تعبر عن نفسها

؟
؟

اتمنى ان تحوز على رضاكم

من عادتي اسمع كـلام الطيبيـن=اللي لهم بالقـول قومـه وقعـده
ناس(ن) تحل اشكال للمتشاكليـن=والحل اذا قالـوه ماتلقـى بعـده
يعني رجال(ن) فيهم العلم الثمين=والحق منطقهم بمجـده ومجـده
ناس(ن) تبي الجنه وفيها طامعين=الكل يعمل لجلهـا فـي مقصـده
والفرض دايم مع لفيف المسلمين=والدين مطلبهم وكلاً (ن)بجهـده
غانم واحب مصادقات الغانميـن=ومن يتقي ربـه هنيـه وسعـده
طموح يازينه وحـظ الطامحيـن=اللي بعمره كل خيراً(ن) يحصـده
يعني مكاسب من يصادق خيرين=ماهمهـم لا جـاه والا ارصـده
والعلـم منهجهـم ولله متقـيـن=نفخر بهم والفخر ايضـاً لبلـده
وانا اطلب الله كل وقت وكل حين=ان الذنوب تزول وربـي احمـده
قولوا امين ولدعـاء لازم اميـن=يغفر لنـا زلاتنـا اللـي نعبـده

وتقبلوا اجمل التحايا

ودمتم بخير