وش انت لاقي يومك تروح وترد == مقهور ولا وسط جوفك غلايل

(هـذه القصيده قلتها عندما حصلي لي موقف من شخص والقصيده تعبر عن نفسها)

لد النظر ياللي تكلم علي لد = وارفع بصوتك كان عندك صمايل
مايرتفع ضغطي ولا صير منشد = خابرك قول ولاش عندك فعايل
لكن تريح واسمع العلم والرد = مثايلٍ مامثلها بالمثايل
وش انت لاقي يومك تروح وترد = مقهور ولا وسط جوفك غلايل
مكسور عين و واسمينك على الخد = وعندي على ماقول ثبت ودلايل
كبرت حجمك وانت ماتنطح الضد = وصنفت نفسك من عيال الحمايل
يمناك ترخيها ولاتمدها مد =هذا دليل انك من اهل الخمايل
نقدر نجيب علومك ونقدر نعد = واشبها من فوق راسك فتايل
ياكم شنب وضعت له منزل وحد = وردعته بشتى الطرق والوسايل
وانته على ماقيل لاخالٍ وجد = جرف ليا من نيش قام يتهايل
لو انها بالسيف ومصارع اليد = خليتك تشوف العنا والهوايل
الكلمه اللي قلتها كذبٍ و عمد = جابت على راسك بروقٍ تخايل
حنا الرجال اللي لنا الصيت والمجد = وحنا هل الطالات واهل الجمايل
تحمل الكلمه وخلك لها قد = لاتنحشر بين النساء والعوايل

فهد بن جازي الفوازي الحربي 10/3/1430

اعجابي بلا حدود

صـــح لسانك

صح لسانك ياشاعرنا الجزل فهد بن جازي الفوازي على هالقصيده الرائعه لاهنت ولاعدمناك رد شافي وكافي وقصيده جزله من اول حرف لاخر حرف ولك جزيل الشكر نيابةٍ عن جميع وبيض الله وجهك ياراعي الحميه سلمت ودمت وتقبل مني صادق ودي وتقديري واحترامي

الله لايهينكم ومشكورين على المرور

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك أخي/الفوازي

تسلم ويسلم بنانك ويعلو شأنك

قصيدة قيمة من شاعر قيم
دمت بخير وعافية . ،،،،،،،،

قصيده وافيه ومن راس وافي


لاهنت ولاهان هذا الحضور


تقبل تحيتي

بيض الله وجهك

صح الله السانك


قصيدة عانقة السماء بجزالتها وأبداعها

تحياتي لك