ديوان الشاعر قابل البشري

000000000000

	المشاركة الأصلية كتبت بواسطة قابل البشري

	هذه محاورة مع الشاعرصقرالمقرح قبل اكثرمن عام ونصف وكانت عن طريق الجوال وذلك قبل أن نتقابل وجها لوجه 000واليكم مادارفيها قابل= سلام دوبه طرا دوبه=جديد ماهو من الأرشيف للصاحب اللي من اسلوبه=يغنيك اسمه عن التعريف صقر المقرح= حيّاك والقيل ماتشوبه=آفه ولايقبل التزييف له نكهةٍ معك وعذوبه=وآنا ترا يزيدني تشريف قابل= وافي وصحبتك محسوبه=محطوط في قمّة التصنيف منّي لك حروف مكتوبه=في رسمها مايجي تحريف صقر المقرح= المعرفه دوم مطلوبه=برجال ماتعرف التخريف ومثلك وشروك يشروبه=طيب وأدب في زمان مخيف قابل= روحي مع الود مغلوبه=يمضي عليها الشتا والصيف والمرء من دون محبوبه=بالله قلّي حياته كيف صقر المقرح= سنّه علينا ومكتوبه=وتعوقنا مثل حد السيف جوّد على الصبر ودروبه=لاتقول مامرني ياحيف قابل= قدّم لي الصبر مشروبه=سنين وآنا في بيته ضيف عطني أمل باتّجه صوبه=وشرواك مايخطي التهديف صقر المقرح= يامكثرالناس مغصوبه=تشرب كؤوس الصبر تكليف كونه لأهل الهوى عقوبه=وولد الهوى كنه مليقيف والود يسلك معك نوبه=ومرات كنه سحابة صيف الصبر ينقذ بإعجوبه=اصبر تسامر ولو بالطيف