ابو فياض النويمي لك وحشة

	المشاركة الأصلية كتبت بواسطة الصييفي

	يالربع من شاف ابو فياض يجزيه خير= لي مدةٍ ما سمعت أو شفت عنِّه خَبَر من قبل ما صار في "بترول لوب" المدير= و هو على الملتقى واقف وكنِّه سَبِر جاني الخبر عنك يا ذيبان عبر الأثير= يقول: علمي فشل بالفحص بالمختبر الرجل غيّر مكانه ثم أصبح شهير= و لا عاد يدخل هِنا الا مرّةٍ بالشهر و مدام كلش هدو و لاش أمرٍ خطير= ما فيه داعي يجي، و كل شيّ ينتظر قلت: ابلغه بالسلام و قل: كذا ما يصير= دامه هو النوخذه ما اظن يلقى عِذِر السيف الى ابطى و هو ما سل، وسط الجفير= يصدا و لا عاد تمضي سلّته بالهبر قال: النويمي بشغله، ما رقد بالسرير= جالس يصالي تَحَتْ إمرتْه ميَّة نفر هذا يبي له إجازه و ذاك ودِّه ينير= و الآخر يتابع "الإتي" بلعبه حَصِر و زودٍ على الشغل جاله ضيف توِّه صغير= "لافي" لفى، ثم صار ابوه ما له مفَر قلت: الْه ما دام ذا علمه فسِرْ يا سفير= قل له: عسى الله يسهِّل كل أمرٍ عَسِر و متى وجد فرصةٍ في جدولِه للمطير= يكفخ و يا مرحبا به لو على المختصر تمت، و هذا الجمل تراه عقب الهدير= ركد، و لا عاد له في الأمر وِجهةْ نِظَر

صح السانك وبيض الله وجهك
والله يحفظك ويحفظ ابو فياض ويعينه على اشغاله ويهني بالضيف الصغير وجعله الله من مواليد السعاده