ربعي قبيلة حرب

	المشاركة الأصلية كتبت بواسطة حمود الجابري

	ياهاجس الاشعار عطني سندها=بقدمه من قبل لاتضيع الاقوال بقدمه حتى تجي في سددها=تقطع مساعي راعي القيل والقال بالوقفه اللي ماندور بعدها=فز الهجوس وجاله العلم حلال عز القصيد الهاجس اللي فردها=عن غيرها يبقالها قدر واجلال فنفوس خلق الله يبين صددها=والهرج واجد مير من عرض الامثال السابقه بالماد تطلع بيدها=الله فرقها عن سواها بالافعال واليوم يومك ياهجوسي وقدها=نبى نبينها على كل الاحوال اليوم يومك عدها في وعدها=هات الحروف اللي تنومسبها البال هات الحروف يحلها اللي عقدها=بفخر بربعي والفخر حق ينقال ربعي قبيلة حرب يامن نشدها=حرب الحرابه فخر والاسم مثقال حرابة الترك وقطعنا مددها=تاريخنا من ماضي الوقت لازال اللي فرقها بالمواقف جهدها=اللي فرقها مايجي فيه مدخال يوم الفعايل ولعت في عهدها=منزالنا ماهو مثل اي منزال مثل الجبال اللي صعيبا" هددها=يشهد لنا التاريخ في كل مدهال قوم" نصبحها وقوم انهجدها=هذي حقيقه مابها هرج وجدال ولامن نخى حرب الحرابه ولدها=جاتك من اقصاها من الجال للجال جاتك طوابير السعد من سعدها=جاتك هل الطاله بعيدين الامال مثل الحرار اللي ينومس هددها=عدوهم يمسي من الغبن معتال من شوف عينه والحقيقه وجدها=يونس لهيب النار من فعل الابطال ولامن حسبنا للفعايل عددها=تبلشبها الاوراق من كثر الافعال مافيه عاقل في زمنا جحدها=لويجحد الافعال للصدق محتال ربعي وبفخر يوم غير فقدها=يشوش راسي لاطرولي على الحال سنايدي بالوقت وانا سندها=عز الرجل ربعه ليا الوقت به مال ومن دون ربعه نار عزه خمدها=عز القبيله فعلها فخر الاجيال الله خلق خلقه وخلقه شهدها=والعلم واضح ماجهل كل رجال وكل القبايل فخرها فعل يدها=ما ننقص احقوق القبايل بالاعمال الطيبه من حظ رجل" وجدها=والحق مايخفى لو ان الزمن طال

مشرفنا القدير وشاعرنا العلم حمود الجابري صح لسانك مليون وعلاء شانك
لاهنت على هالقصيده الشامخه شموخ كاتبها الجزل
اسجل اعجابي اللامحدود بهذه الدره الثمينه والاعجاب مجير لكل مايكتب حمود الجابري مستقبلاً سلمت ودمت يابن الاكارم وتقبل مني صادق ودي وتقديري لشخصك العزيز والله يحفظك