َعَبَيْت مجنوني لبعض المجانين=أما رزين العقل عندي جوابه

َعَبَيْت مجنوني لبعض المجانين=أما رزين العقل عندي جوابه
لكن بلايه مكثرين التلاوين=اللي يخلطون الخطأ مع صوابه
صحيح منه قال : أبكيه ياعين= السيف ما يلمع بداخل قرابه
ولاكل منه طار مثل الشياهين=ولا كل من يسري يعشيه نابه
الله من بعض الرجال الغرابين=سبحان منه ساتره في ثيابه
إليا انتصب خلته عقيد الميامين=واليا نصاه الهرج ما يحيط جابة
من قُلْ فوده يخلط الزين بالشين=وإن قال هرجٍ ما يحسِّب حسابه
الرجل يُرفع فوق بالمنطق الزين=وياكم من رجلٍ لسانه غدابه
ويا كم منه لا بلته الملايين=عوَّد على بيته وقطَّع طنابه
حنا ظلمنا الوقت أول وهالحين=والوقت ماله ذنْب ماصك بابه
لكن بلاوي وقتنا من مساكين=كلٍ على العيفة يفتل شنابه
إليا نشدته قال حنا سلاطين=حنا هل العليا عيال الصحابة
حنا فتحنا الهند والسند والصين=حنا لنا التاريخ عز ومهابه
وفي الأخرة رحنا سُدى بين ثنتين=أما عبيد المال والا غلابة
يقولها يا الربع مخلوق من طين=وبكرة مآلة لانتهى في ترابه
أكبر دليل اليوم راحت فلسطين=ولافيه من يلقى لرأسه عصابة