سالم العرم ..... والتوبة

قالوا تتوب وقلت وشلون ابا توب=اتوب يومينه وعود على الذنب
ضيعت عمري بين طالب ومطلوب =ما بين جمع وطرح واقسم مع الضرب
كلي آلم كلي معاناه وذنوب =حاربت نفسي بس ما فزت بالحرب
عصيتها طاوعتها نوب عن نوب=تمشي وانا اتبعها من الشرق للغرب
ابليس خلا المر في عيوني عذوب= يسقيني العلقم ويحلا لي الشرب
واصبحت في دنياي ضايع ومغلوب= كل الدروب اتسكرت ما بقي درب
مهما نشوف من الغرابيل مانتوب=اهم شيء نعيش ونقلد الغرب
نطرد وراء الدنيا من الصبح لغروب=بالمظهر الخداع والغش والكذب
نشوف عيب الناس وحنا اكثر عيوب =لكن محد(ن) يقدر يعالج الجرب
الله عطانا عقل وعيون وقلوب =وتفكيرها محصور بالجنس والشرب
الخير ما من خير والشر مصحوب= نقرأ وننسى ما قراءنا من الكتب
ننهى عن التبذير ونسبل الثوب= ونقول حنا حزب وحنا مئة حزب
بالمظهر الخداع نجمع من الطوب=واللي وصلنا له يجينا من الكذب
ماهي جداره شيء محسوب محسوب =ترفع بحرف الواو لو موقعك نصب
هذا كلام الحق ماني مغصوب= وكرامتي ما تقبل الضيم والغصب
وعداد ما يكتب على اللوح مكتوب =صلوا على سيد البشر طيب القلب