مصدر إلهامي

	المشاركة الأصلية كتبت بواسطة علي هليل الحربي

	ان مت مبطي يا هوى ميتٍ فيك=وان عشت يبقى جوهرك داخلي حي حيٍ على ذكراك حيٍ بطاريك=غير اهتمامي فيك ما همني شي ماني بويا الضحك من ضحكتك ذيك=علمي بقلبي قبل الاقيك بشوي اغليك يا نجواي وشلون ما غليك=اغلى لابن لعبون من عشقته مي وش في لا لا والله الا انت وش فيك=وش فيك قلي قبل اعلمك وش في طيفك يناجيني وانا فيه اناجيك=وتسترسل العبرات هذي ورى ذي عزيت نفسي فيك من قبل اعزيك=اللي معي لك نفسه اللي معك لي احترت بمسماك من كثر اساميك=ما للضحى اخيذه سوى عين وصبي دونك سرابٍ لاعني في مضاميك=ما جذ حبل ولا ورد بارد المي ثلاث ما ابيهن ورابعهن ابيك=فرحة عداك ومرخص ابوك والعي نهر العطا في خافقي منك واليك=يا مصدر إلهامي وعفوية الغي

ماشاء الله عليك ياابومشعل دائما مبدع ومميز0 هنا الشعر الجميل العذب
بانتظار جديدك الممتع00