((مليون)) رساله إلى غائب

أقدم لكم هذه القصيده الموجهه للشاعر المعروف/ ناصر المسيميري
وردها وآمل أن تحوز على رضاكم

يوم الروايـع عيفنِّـي قصيـدي=حلفت ما اكتب غير مثل الروايع
امّا تزوّد عنـد مثلـي رصيـدي=والا اكتفي بمتابعـة كـل رايـع
مثل المسيميري صديق الحميدي=اللي نعش فكرٍ للأشعـار جايـع
بأبياتٍ أحلى من لقـاط الزبيـدي=في خايعٍ موسوم حـول البدايـع
فيهن من الابداع مـا لا يبيـدي=ومن الحكم نطقه يسـد الذرايـع
مرصعه ترصيـع عقـد فريـدي=جواهـر مـا لوثتهـا البضايـع
نادمتهن واحييت ليلـي وحيـدي=كنـه يودعهـن بقلبـي ودايـع
واصبح على الصبح ما هو بعيدي=وقمت اتخيـل نادريـن الطبايـع
اللي معادنهـم تقـص الحديـدي=من ماكرٍ صيته مع الناس شايـع
وانا مع الشعار شعري زهيـدي=من خوف لا عود بليـا طمايـع
يشوق فكري من يمنتج نشيـدي=وانت الخبير بكل شاري وبايـع
اما انصح اللي بالروايع يشيـدي=والا اقتلعهن من ضميـره قلايـع

وهذا رد الشاعر والراوي المعروف/ ناصر المسيميري

نوٍ من المنشـأ إخيالـه سديـدي=أحياء الغصون المسنيات الصرايع
وأورى ظماء كبد ظماها شديـدي=من الظماء صارت إفلوح ومزايع
ولو الشره يقضب أحبال الوريدي=مالي علـى ذريـة آدم صنايـع
والوقت طوعني ولا هوب بيـدي=لو ما يطيع السوق له صرت طايع
يا على ما خليت غيـر الجريـدي=قطفت يالحربـي لذيـذ النوايـع
وحركت فكرٍ بـه ثلاثيـن قيـدي=مغنيه مالـه مـا لجـأ للجمايـع
ومن الفرح عيدت من قبل عيـدي=ورزيت رايات الفـرح بالرفايـع
حي الهدايا اللي منـه نستفيـدي=من طيبٍ والطيب قسـم ووزايـع
عسف قوافيها على مـا يريـدي=وقاده كما قود الأصيـل المرايـع
وحنا على الجرة نزيل وشديـدي=ما خبرت الركبي كسب له قلايـع
وافخر اليا صار الحميدي عضيدي=أسندتني للي لـه الصيـت ذايـع
رفقة ارجال معتبرهـا رصيـدي=وزبني اليا لاعن من الوقت لايـع