سؤال محرج

	المشاركة الأصلية كتبت بواسطة الصييفي

	في هذا الصباح سألني صديق هذا السؤال: أين انت من الـ غزل الخاثر؟ فجاء ردي عفويا بهذه الأبيات الخمسة: سألتني يا زيد سؤال محْرِجْ= عن الغَزَلْ و اعطيته الاسم: "خاثر" و اقول لك معاد للخيل مسْرِجْ= في عمرنا هذا نحب الدكاتر ارفق على عودٍ بممشاه يعرج= و عساه ما يصبح مع الوقت حاسر لوني شبابٍ كان اجاوبك و اهْرِجْ= و يمكن أزودها بذكر المآثر لا شك في عمري عسى الله يفرجْ= كل متحرِّك صار بالجسم داثر

الشاعر القدير

الصييفي

صح لسانك وبيض الله وجهك

اسمحلي بهذه المجاراة الفوريه تفاعلاً وإعجاباً بقصيدتك

للقافيه شاعر وللشارده درج=الشعر واجد والجديد متكاثر
من بينهم شفت الصييفي على برج=يجمع من الإبداع كل متناثر
اصغيت له بانصات لو موقفي حرج=الحظ طيب ما بعد صار عاثر
إلاا مع اللي لا ظهر تطفي السرج=اللي علومي من غيابه شعاثر
هذاك كني ناقلٍ داب بالخرج=من سبته شيبي على الراس كاثر

	المشاركة الأصلية كتبت بواسطة علي هليل الحربي

	الشاعر القدير الصييفي صح لسانك وبيض الله وجهك اسمحلي بهذه المجاراة الفوريه تفاعلاً وإعجاباً بقصيدتك للقافيه شاعر وللشارده درج=الشعر واجد والجديد متكاثر من بينهم شفت الصييفي على برج=يجمع من الإبداع كل متناثر اصغيت له بانصات لو موقفي حرج=الحظ طيب ما بعد صار عاثر إلاا مع اللي لا ظهر تطفي السرج=اللي علومي من غيابه شعاثر هذاك كني ناقلٍ داب بالخرج=من سبته شيبي على الراس كاثر

مرحبا بك يبو مشعل
صح بدنك
هذى الخاطرة المباركه التي خلتك تشرف متصفحي
وخلتنا نعرف المتخفي ههههه
أكيد ما يخفى عليك إعجابي بشعرك
شكرا لك على المجاراه الجميلة التي تمسكت فيها بقافية البيت الأول فزادها جمالا، رغم أنك غيرت تشكيلة قافية
صدر البيوت.
تقبل ردي على نفس تشكيلة قافيتك:

ما باقي(ن) لي بالقوافي سوى العِرْجْ= وصارت حروفي يبو مشعل بَعاثِرْ
تشكي من اللي حبها كنه الدَّرْجْ= خلّتْ علي منها صويب متعاثِرْ
دوِّر لها لياك تِكْثِرْ من الهَرْجْ= و الله كريم و للمحبين واثِرْ
إعرِفْ ترى سرحان ما ياكل الحَرْجْ= ياخذ غزيزتهن بدم متناثِر
و اشرب زلال و شد واركب على السّرْجْ= و اترك ردي الخال يشرب بغاثِر