((مليون)) رساله إلى غائب

يامحمد الجو ممتازي= احلى من الجو بالسوده
معنى رياجيل عزازي= في فيضةٍ غرب ساموده
النعم كلٍ يها فازي= من معدنٍ عالي الجوده
خالد وابن ضافي وغازي= وعيال عمي ذوي عوده
وماجد من النادر البازي= للطيب ما تفتر زنوده
ومنير وقت التلعوازي= ياكود ربعه ويا كوده
والشامي اللي بالايجازي=يتعب هل الجود من جوده
وبالطيب ابو مطيع مجتازي= مكانةٍ غير محدوده
وابن حصين بالانجازي=دايم مساعيه محموده
لاقمت والخاطر حجازي= ضيقي ثوانيه معدوده
شعر وسواليف والغازي= تبعد عن الضامر لهوده
كني على زل شيرازي=تنعش معاليقي وروده
غطى على عطر قزازي=في راحة منقض جعوده
اللي لها القلب منحازي= عن غيرها النفس مصدوده
لو شافها هتلر النازي=معذور لو سرح جنوده
بنت ابلجٍ يكعم الغازي=واقطع من النار بالوده
مانيب ميس ولا عازي=راع الوفى جاب مجهوده
وانا تعودت ما جازي=راع الثنيه بمفروده
وصلو عدد ذر الاجوازي=من بيض خلق الله وسوده
على نبيٍ بالاعجازي= بين مفاهيم معبوده