ديوان قصائد الشاعر ( أحمد العامودي )

البارحة قلبي وعيني سهارا = واخذت لي غفوة قبل تطلع الشمس
وصحيت باول ساعتن بالنهارا = والطرف من كثر السهر منعمس عمس
وقعدت جنب مصوبنات الوجارا = دلال صفر تفوح وبهارها خمس
بنن وهيل وزعفرانن وشارا = ومن العويدي اربع مسامير اوخمس
وناديت لي من بدة الناس جارا = أللي علومه تذهب الهم والعمس
وصبيت له فنجال صافي وحارا = وابديت له شكواي بالرمز والهمس
وقلت العقل والفكر مني حيارا = وما ذقت انا طعم الكرا من نهار امس
من صاحبن سد الفيافي توارا = وحبه ووده بين الاضلاع منغمس
بيني وبينه مظمياتن قفارا = داره بعيد ودربها يخفي الرمس
واصبحت حالي مثل حال السكارا = العقل مافش والحشى منحمس حمس
واحن من مابي حنين الحوارا = وحنين الخلوج أللي من الوجد ترتمس
واهل الهوا والعشق دايم طفارا = وحالي حرمني لذة الشوف واللمس