الطيب مرقاه عسر ولا يجيبه غير قرناس

	المشاركة الأصلية كتبت بواسطة حسين مريع العبيدي

	الليلة أمسيت افكر فالبشر والــــــياهم اجـــــــناس = احد عليه الرضا واحد عليه المكرهيــــــــــة الناس فيهم ذهب صافي وفيهم تــــــوت وانحاس = والبعض منهم مضيع لاهناك ولاهنيــــــــه راحو فريقين كل في ضميره قــــــيس اقـــيـــاس = احد نهى النفس واحد طاوع النفس الشقيـــــة احد ورى الخير يسعى للبشر في كـــــل مجلاس = واحد ورى الشريسعى ماحسب ذنب وخطية المسعد اللي نهج منهاج صالح فــــعل واحساس = مراقب الله واعماله عليها القابليـــــــــــــــــة موحد الله ومبعد عن الاضــــرار بالـــــــــــناس = مسعاه دايم لوجه الله واسبــــــــــــــــاله نقية وليا بنــــا بنيته جود لها العمدان والســــــــا س = ممشاه دايم على وضح النـــــــقا في كل نيه واليا نخيته رفع راسه وقال ابشر ولابـــــــــاس = ابشر بعزك ولالي عن طلبكم مــــــــعذرية طلبك مسعاي والا انت تبي شيـــمـة من الراس = اللي تبيها على المجدال ماتصـــــــعب عليه يقضي لزومك وهي لاهل الوفا شيمة ونوماس = هـذي صفات الرجا ل الطيبين الصــــــارفيه واحد يهذب لك الاقوال مار العرق دســــــاس = لوقالوا الزين في قلوب البشر نية خفـــــــــية يسعى على التفرقة بين العرب نمام بــــــلاس = مافيه تقوى ولارحمــــــــــــة ولاله مرعوية والبعض الاخر حياته كلها تفليس وافـــــلاس = ماشي في درب الهوى والغي واعلومه ردية البحر واسع وفيه من البشر عايم وغطــــاس = احد لقي جوهرة واحد لقي حوتة طــــــــرية الطيب مرقاه عسر ولايجيبه غير قــــــرناس = اللي ليا مد جنحانه يــــــــــــــعشي له رعية وحنا ترى مسلمين وناخذ الاسلام مقــــيـــاس = واللي تمسك بدينه عروته دايم قـــــــــــــوية تمت وصلو على محمد عدد ماهب نسناــــس=* واعداد مالاح براق الحيا فالــــــــــــــعقربية

صح لسانك ياشاعرنا الجزل حسين بن مريع العبيدي وقصيده وافيه من راس وافي لاعدمناه لاهنت على هالنصائح الثمينه والتوجيهات الطيبه والحث على مكارم الاخلاق وهذا الوصف الكامل وهذه الشموليه المفيده سلمت ودمت وادام الله لك هذا الابداع وهذا التميز ... وتقبل مني صادق الود والتقدير لشخصك الكريم