قصيده في ابل فهد الجميلي

	المشاركة الأصلية كتبت بواسطة خالد الحصني

	السلام عليكم ورحمة الله وبركاته تشرفت في حضور الحفل الذي اقامه فهد بن عبدالله الجميلي الحربي في مزاين ام رقيبه وكان حفلا رائعا في جميع المقاييس من كثافة الحضور والشخصيات الحاضره من امراء ومشائخ قبيلة حرب ومن القبائل الاخرى ونقول لفهد بن عبدالله الجميلي بيض الله وجهك على هذا الحفل المشرف وبيض الله وجيه ربعك الجملا على راسهم الشيخ رباح ابن طعيميس الجميلي ولا يستغرب منكم هذا كانت مشاركتي قصيده في ابل فهد بن عبدالله الجميلي ولا اعتبرها شي امام ما قام به من مشاركة با المزاين وحفل يليق بسم قبيلة حرب يا هجوسي طيب الفعل امدحنه = مدحت الطيب يوافقها مساري والجميلي جاب شعل شرفنه =في ميادين بها الطيب يماري ارفعٍ سقف المزاين يوم جنه = وخل الملاك في حالة طواري خابرين المركز الي كد خذنه = مايبن في زينهن راي استشاري من بلاد اخوان مريم صبحنه = مبحراتٍ با الوطا سفن الصحاري يوم جملهن بماله جملنه = ما ينافس زينهن غير انتحاري حس راعيهن ليوده يعرفنه = عن مضحاهن بعيدات المحاري اقبلن يزهابهن قاعٍ وطنه = مثل سفن الجيش في ذات الصواري طفحٍ درج السنام يدايحنه = طعس نفدٍ فاهقه للخلف ذاري راهيات اخدود دلق ارقابهنه = ومن بعيد ارقابها مثل السواري والبراشم نازله من زينهنه= والاذاني فهقها حدب الشباري يا وقفن كن الحديث يرددنه = عن رواياتٍ لبو ذر الغفاري يذكرن خلاقهن ويسبحنه = يا صعرن بخدودهن وقت العصاري والفحل لو صحت بذنه ويش كنه = مثل من علم بعلم عنه داري كل جمهور المزاين جمعنه = لين صار امراحهن مركز حضاري عشت يا بن هلال ما با الفوز منه = انت فايز في مزينة البراري الوفا له ساس والامجاد فنه = من هل العرفا مصابيح الغداري خيلهم كم شيخ قوم لو عنه= في مراكضهن يعيشٍ الضواري من قبيلة حرب مروية الاسنه = في نهارٍ فيه لشيطان طاري معجزات اسلومهم من يجهلنه = با الجزيره ما لنا فيهن مجاري والقبايل فعلها لطيب سنه = البنادم له حسابٍ عند باري فيه موت وفيه نار وفيه جنه = من يهضم حقوق غيره ما يداري

صح لسانك ياشاعرنا الجزل خالد الحصني
ويستاهلون الجملا ماقلت بهم واكثر لاهنت بيض الله وجهك
وبيض الله وجه فهد بن عبدالله الجميلي على علومه الغانمه