بطاقة معايده موال ومحاوره واللي حاظر يرد

اذارع صيهون طالة فالزمان الاخير=تغتال من تشتهي ولاحسبت ويش يصير
والشرق الاوسط تبي تجعله ياهله كبير=وتري الرسايل متعرف دون عنوانها

الشرق الاوسط ثلاث ارباع شعبه يتيم=ياليت الايتام تسلم بس فبدانها
شالة زعيمين وتبشر بمية زعيم=ام الكباير تحب تزيد صدقانها

ابومشاري
مضحي بن جمران
صحت السنتكم محاورة من العيار الثقيل تدل على مقدرتكم الشعرية...واصلوا وحنا معاكم

كثرت مصايب زمنا يالله المستعان= شي نشوفه وشي لسى ترنه مبان
يازين رعي الاباعر في ضواحي ابان=وتري الرسايل متعرف دون عنوانها

يالله لتقطع رجانا من هذاك الخشيم = الي يجهز لها وهو ماسك اعنانها
ليا اعتزي قال انا زاحم واخويه زحيم = نهار رمي الاسنه يحتمي شانها

مدام سنة رسول الله تطبق هنا=لنا الهنا والمعادي بشره بالعنا
حنا هل البل وحنا كل جزله لنا=وتري الرسايل متعرف دون عنوانها

ياللي عشقتم طريق الحجه المستقيم=انفوسكم ماهي تخشا غير ديانها
راس المعاند ولو عاند مقره جحيم=والعز ساند رجالٍ طالة ايمانها

	المشاركة الأصلية كتبت بواسطة ابو فـ ـيـ ـصـ ـل

	ابومشاري مضحي بن جمران صحت السنتكم محاورة من العيار الثقيل تدل على مقدرتكم الشعرية...واصلوا وحنا معاكم

صح بدنك ياشاعرنا الجزل ابو فيصل وشهادتك وسام فخر توجتنا به لاهنت يالذرب وحياك الله وابقاك

اسف علا التاخير يامشرفنا الغالي ابو احمد

القاف مع مثلكم ما ودنا ينتهي = لاكن غصبٍ علينا فشغلنا نلتهي
ان قلت هاذي تري لتقول ماهي بهي=تري الرسايل متعرف دون عنوانها

المعذره كنت مع اخوي عبد الكريم=نراقب الذود في المرعي وحيرانها
في رفقة حسين ومحمد وخالي سليم=يوم اعجبتنا زهور النبت وافنانها

على ديزل الشباب

الله الله
كفو والله بابو مشاري وكفو يامشرفنا مضحي
وصح السانكم وعلى القوه

وازهلو الصفوف

الله الله الله

ياسلام ياسلام

ابداااااع راااااائع ومتميز ومناسبه مميزه والشعار راااائعين

ابومشاري ومضحي بن جمران

بيض الله وجيهكم وصح الله السنتكم

وكل عام وانتم بخير

تقبلوا اجمل التحايا

ودمتم بخير

	المشاركة الأصلية كتبت بواسطة ابومشاري

	اسف علا التاخير يامشرفنا الغالي ابو احمد القاف مع مثلكم ما ودنا ينتهي = لاكن غصب(ن) علينا فشغلنا نلتهي ان قلت هاذي تري لتقول ماهي بهي=تري الرسايل متعرف دون عنوانها المعذره كنت مع اخوي عبد الكريم=نراقب الذود في المرعي وحيرانها في رفقة حسين ومحمد وخالي سليم=يوم اعجبتنا زهور النبت وافنانها الاخ مضحي لا تنزعج لو تاخرت عليك مشطون جدا هذه الايام ولك كل تقدير مني

لاهنت يابو مشاري وصدقت الظروف ماهي دايم على الكيف وصح لسانك يالجزل سلمت ودمت على هالموال الجزل والشيله الكايفه واللعب معك لايمل يالذرب
وتقبل مني صادق ودي وتقديري لك ولمن كان معك

	المشاركة الأصلية كتبت بواسطة طامي

	على ديزل الشباب الله الله كفو والله بابو مشاري وكفو يامشرفنا مضحي وصح السانكم وعلى القوه وازهلو الصفوف

في ملتقانا وعلى هوانا وش ورانا
لاهنت ياعزيزي طامي ولاعليك زود بكل جزله
وصح بدنك وقواك الله وسلمت ودمت وتقبل مني صادق الموده والاحترام