صحيح إن المواقف فارقه وإن الرجال أصناف

	المشاركة الأصلية كتبت بواسطة عوض عواض الغيداني

	رفيقٍ مايقف وقت الشدايد رفقته تنعاف=غني(ن) عنه في وقت السعه ماأنته رفيقٍ له رفيقك من يقاسمك الهموم ويحتمي الميقاف=ترى كلش طراته مثل ماقالوا على حله رفيقك بالسعه ينكرك لاجاْت السنين عجاف=ليا منه وطاك الوقت صد وقالك خله تعلمنا من أحداث التجارب قيمة الانصاف=عرفنا اللي يعقد الحبل واللي يقدر يحله أخذنا بالحياه دروس والمبصر بعينه شاف=أحد يدمح خطأ ربعه وأحد يبحث ورى الزله وأحد يطلع من ذراعه وأحد يطلع من الاكتاف=وأحد ضايع برايه وأحد رايه للسنع دله صحيح إن المواقف فارقه وإن الرجال أصناف=تشوف إخوان كلٍ له سلوب وطبع وجبله حقايق والحقايق واضحه ماتجهل العراف=لبيب العقل يفهم مقصده قدام ياصل له كتبنا وإختصرنا الهرج تركيزاً على الأهداف=ليا طال الكلام..المستمع لو جامله مله

صح لسانك وعلاء شانك على هالابيات الوافيه لاهنت ياشاعرنا الجزل عوض بن عواض الغيداني وكل بيت من بيوتك يعادل قصيده سلمت ودمت لك مني جزيل الشكر والتقدير والله يحفظك ويرعاك