ديوان الشاعر منصور عقال الرويتعي الحربي ( الشاعر مجافي )

(( ابعتذر ))

ابعتــــذر عن كلمــــة انّي هـويتــك
وابنسحب من كل ما كــــان بسكات

لكن مقـــدر وانـــا لارحت جــــيــتك
وكنتي لعيـــني جفنها واربع جهـات

رحتي ولاتدريــــن انا وش عطيــتك
تحسّبيـــني حي وانا من الامــــوات

من بـس يفهــــمني اذانـــا بكــــيتك
وانتي جهلــــتي ياغـــرام البـدايات

حتى الــوداع اللي طلبت ورجيـــتك
قلتي من انت وكـان جـزاي دمعات

طاحت ولا طحتي معاها ونسيــــتك
وعرفت مــا فالحب هذا ســــلامات

غــــاب القمر نص الشهر مالقيـتك
مثلي وحيــــده والامل والرجا فـات

وش فآيــــدة عمـري وفيه احتريتك
بــــدآيته آهـــآت وآخـــره آهــــــات

يبغـــــون رآسي عجلي به فديــــتك
وقــــولي لهم يقصدني بكل الابيــات

فاصله:

يقولــــون القمر لاغاب يطلع له على ديره
.........................وانا اقول الحبيب ان غاب يلفي له على خلان