ياريش العين...

السلام عليكم ورحمة الله وبركاته
احبتي الكرام اليكم هذا النص الذي اتمنى ان
ينال ولو على القليل من اعجابكم واستحسانكم...

والله احبك يااريش العين بجنون=وحبك سكن وسط الخفوق وتعلا
واصبحت مغرم فيك بالحيل مفتون =وانته على مغليك نوب اتغلا
ادري دلع لاكنه ايسبب اطعون=اطعون منها دمع الاعيان هلا
اطعون باحت كل ماكان مكنون= في وسط صدري سلة الحال سلا
بـــ الله على حالي ترفق وبالهون= لاتخلي العذال بي اتسلا
ماعاد بي صبرٍ على مايقولون=ولاتحمل منهم ادناة زلا
منهم ترى لليوم والله مغبون=وافعالهم منها ترى القلب كلا
تدري وش اللي منه بالحيل يرضون= لافرقوا مابين خل ٍ وخلا
يفرح حداهم لالقى الوضع مشحون= بين الاحبه و زاد هرج ٍ مُضِلا
من شان إيشتت شملهم ياعسى الكون= إيضيق به واتجيه مليون علا
قايدهم الشيطان والفوج ملعون= وعلى جميع افكارهم قد تولا
يامر وينهى للأوامر يطيعون=جٌند ن لهُ صاروا بليات ملا
يارب يامعبود تبعد هذآ اللون=واتريّح العشاق من ها المبلا