الأسامي

	المشاركة الأصلية كتبت بواسطة حمود الجابري

	الأمنيه للي تمنى والعزيمه لـــه ضمان=يدريبها اللي ماجهلها من قريب ومن بعيد بعض الأسامي مامحاها الوقت لو دار الزمان=تبقى لهلها والنشاما عزها الفعل المـجيد يروح حال يروح مال يروح بالوقت المكــان=ولايعيش غير الطيب لأهل الطيب بالوقت الزهيد أسمعبها من يوم عمري عشر مدري لو ثمان=واليوم أقوله للبشر بالفكر والرأي السديد يبقى العزيز اللي بفعله حول القاسي ليان=ويبقى الذليل اللي بذله مايفيد ويستفيد مبروكـ يا اسما" حمله اللي يعزه بالأمان=يفخربها الأسم المسمى لامشابه فوق بيد اللي لها تقدير واللي عزها فعل اليمان=نمشي على درب الوفا والله يحقق مانريد الوقت مايجحد لنا الأفعال لو غابت تبان=مايغيب غير اللاش لامن غاب مايحسب فقيد إن غاب مايفقد ولا أحد" قايلن غايب فلان=ولامن حضر بالموقف الغصاب مايسد ويفيد والعين ماتعلى الحاجب وكلن له مكـان=يالله تحفظ الأرض يالمعبود من تحت العبيد اللي بقلبي ياوسيع البال ينطقها اللسان=في وقتنا يبقى الفريد اللي قضى عمره فريد

صح لسانك يالشاعر الجزل حمود الجابري وبيض الله وجهك على هالقصيده الجزله وماتحتويه من معاني ساميه وراقيه سلمت ودمت يابن العم وصح لسانك مليون مره يالذرب وتقبل مني صادق مودتي وتقديري لشخصك الكريم